Dh’fhoillsich Keep Scotland Beautiful, carthannas na h-àrainneachd an Alba, goireasan nan Sgoiltean-Eco ann an Gàidhlig aig tachartas ann an Sabhal Mòr Ostaig air 19 Ògmhios.
Tha prògram nan Sgoiltean-Eco na iomairt eadar-nàiseanta a chaidh a dheasachadh airson daoine òga a bhrosnachadh gus a dhol an sàs an gnothaichean na h-àrainneachd. Tha 3,700 sgoil an Alba clàraichte leis a’ phrògram a-nis.
