Cùrsa air-loidhne le taic a bhios freagarrach dhaibhsan a tha ag iarraidh an sgilean gràmair a leasachadh.

Air a sgrìobhadh le Ruairidh MacIlleathain na neach-naidheachd is craoladair ainmeil, agus air a chruthachadh le taic airgid bho Aonad Nàiseanta an Luchd-naidheachd (NUJ)

Freagarrach do bhuidhnean a tha ag amas air an cuid sgilean cànain a thoirt am feabhas airson na thèid iarraidh orra fo Phlana Nàiseanta na Gàidhlig a riarachadh, no do dhaoine fa leth a tha ag iarraidh an cuid tuigse air gràmar is cleachdadh cànain a leasachadh. Bheir an cùrsa cothrom nas fheàrr obair fhaighinn ann an saoghal na Gàidhlig, far a bheil fèill air deagh sgilean sgrìobhaidh sa chànan.

Gheibh Sibh:

• cothrom ionnsachaidh aig uair a tha freagarrach oirbh fhèin, nur dachaigh fhèin, nur n-àite-obrach, no ann an Ionad Ionnsachaidh faisg oirbh

• taic air-loidhne tro phuist-d aig amannan sònraichte, bho neach-oide aig a bheil eòlas air Gàidhlig a theagasg air astar

• cothrom litreachadh ùr na Gàidhlig a dhaingneachadh

• cothrom riaghailtean gràmair ionnsachadh agus a dhaingneachadh