putóg

Níl stair fada ag "putóg" sa Ghaeilge. Tá dhá chiall leis, mar atá "cineál ispín" agus san iolra is ionann "putógaí" agus "inní" nó "ionathar". Gaelú den fhocal Béarla "pudding" atá ann. Leath brí an fhocail go nádúrtha ón rud a itear go dtí an rud as a ndéantar é.

Tháinig an focal Béarla "pudding" ón bhfocal Fraincise "boudin" (= putóg dhubh), a tháinig ón bhfocal Gallrómhánach "botellinus", ó "botulus" na Laidine, a chiallaíonn "ispín" agus "inne" araon. Tháinig "botulus" ó *gwot-olo- san Ind-Eorpais, ón bhfréamh *gwet- (inne, putóg sa chorp). Tháinig "botulism" agus "bowel" ón bhfréamh seo.

Siar go dtí STAIR AN FHOCAIL