buaic

Tá "buaic" ina bhall de ghrúpa focal a bhfuil cialla sách difriúla leo, cé go dtagraíonn siad uile do rud éigin a ghobann aníos:

buaic - an pointe is airde
buaiceas - an corda i gcoinneal nó i lampa ola
spuaic - clog ar an gcraiceann; binn (sléibhe); spíce túir eaglaise

Tháinig "buaic" ón bhfocal Béarla "wick", agus is dócha gur tháinig "buaiceas" ó "wicks". Maidir le "spuaic", uaireanta cuireadh "s-" breise roimh "b" nó "p" ag tús focail, agus uaireanta cruthaíodh focal nua. Mar shampla, is dócha nach raibh sa phéire "beach / speach" ar dtús ach leaganacha malartacha den fhocal céanna, ach fuair "speach" ciall dá chuid féin de réir a chéile agus ciallaíonn sé "foiche" anois i nGaeilge na hAlban, agus "cic, smeach, racht feirge" i nGaeilge na hÉireann.

Siar go dtí STAIR AN FHOCAIL