praiseach

Sean-Ghaeilge: braisech, praissech

Is dócha go raibh cabáiste, nó cál, i measc an iliomad rud nua a thug na cléirigh isteach in Éirinn in éineacht leis an gcreideamh nua. "Braisech" an t-ainm a bhí air, leagan Gaelach den bhfocal Laidine "brassica" (= cabáiste). Tar éis tamaill, thosaíodar ar "braisech" nó "praisech" a thabhairt ar an mbrachán déanta as min choirce agus cabáiste, nó neantóga nó glasraí fiáine eile, a d'ithidís go minic: "mian na sacart .i. braisech bélaide" (cál nó praiseach bealaithe, a raibh im nó geir air).

Maidir leis an bhfocal "cál", is iasacht ón Laidin é chomh maith, ó "caulis" (cf. "cole", "kale", "cauliflower"), ón bhfréamh Ind-Eorpaise *kaul- (gas).

Siar go dtí STAIR AN FHOCAIL