Chuaigh Cajun darbh ainm Thibodeaux chun cónaithe i dTexas. Cheannaigh sé asal ó sheanfheirmeoir ar $100. Dúirt an seanfhondúir leis go dtiocfadh sé leis an asal an chéad lá eile.
Tháinig an seanfheirmeoir an chéad lá eile, ceart go leor, ach gan an t-asal. "Tá drochscéal agam duit," a dúirt sé. "Fuair an t-asal bás."
"Tabhair dom mo chuid airgid mar sin."
"Ní féidir liom an t-airgead a thabhairt ar ais. Tá sé caite agam."
"Tá go maith. Tabhair dom an t-asal."
"Céard a dhéanfaidh tú leis?"
"Cuirfidh mé raifeal air."
"Ní féidir leat raifeal a chur ar asal marbh!"
"Ní déarfaidh mé le héinne go bhfuil sé marbh."
Mí ina dhiaidh sin bhuail an feirmeoir le Thibodeaux, agus d'fhiafraigh, "Céard a tharla leis an asal?"
"Chuir mé raifeal air. Dhíol mé 500 ticéad ar $2 an ceann agus rinne mé brabach de $898 air."
"Nach ndearna aon duine gearán?"
"Rinne, duine amháin, an buaiteoir. Thug mé a $2 ar ais dó."
Denis King