Triúr Ban Rialta

Lá breá amháin, bhí triúr ban rialta amuigh ina bhFord Fiesta nuair a bhain timpiste dóibh. Toradh: triúr marbh. Siúd iad de phreab ina seasamh os comhair Pheadair Naofa, a dúirt leo:

"Bhí an triúr agaibh dea-bhéasach dea-bheathach i gcónaí, ach sula mbeidh cead agaibh dul isteach i bParthas, caithfidh sibh test beag a phassáil. A Shiúr Agnes, tosóidh mé leat. Cé hiad pearsana na Tríonóide?"

"An tAthair, an Mac agus an Spiorad Naomh, ar ndóigh."

D'oscail an geata mór órga, chuaigh an tSiúr Agnes isteach agus dhún an geata ina diaidh.

"Maith go leor, is leatsa anois, a Shiúr Dominique. Cé hé mac Muire?"

"An-éasca, is é Íosa mac Muire."

D'oscail an geata, chuaigh an bhean rialta isteach agus dhún sé arís.

"Anois, a Shiúr Vianney, cé na chéad focail a dúirt Éabha le Ádhamh?"

"A thiarcais, is crua an ceann sin!"

Agus d'oscail an geata...