Agus Hó Mhórag

[Fonn / Tune]



Mhórag chiatach a' chùil dualaich,
Gur e do luaidh a th'air m'aire.


[Séisd:]
Agus hó Mhórag,
Hó ró 's na hóro gheallaidh,
Agus hó Mhórag.


'S ma dh'imich thu null thar chuantan,
Guma luath a thig thu thairis.

'S cuimhnich, thoir leat bannal ghruagach
Luaidheas an clò ruadh gu daingeann.

O cha leiginn thu do'n bhuaile,
M'an salaich am buachar d'anart.

Dè cha leiginn thu gu cualach
Obair thruaillidh sin nan caile.

Gur i Mòrag ghrinn mo ghuamag
Air a bheil an cuailean barraicht'.

Do chùl peucach sìos na dhualaibh
Dalladh air uaislean le lainnir.

Sìos na fheòirneanan ma'd ghualainn
Leadan cuachagach na h-ainnir.

Do chùl peurlach òrbhuidh luachach
Timcheall do chluasan na chlannaibh.