Soills’ Air Mo Smuain

1. Dèan dhòmh-sa tuigse,
   Cuir soils’ air mo smuain;
   Dh’iarrainn gur Tu
   Bhiodh ’gam stiùreadh gach uair;
   Làmh rium ’s an oidhche
   Is romhan ’s an tràth,
   Réidh rium ’sa mhadainn
   Agus glèidh mi tro’n latha.
   
2. Ceartas do m’ bhriathran
   Agus fìrinn do m’ bheul,
   Thusa toirt iùil dhomh
   ’S mi dlùth riut, a Dhè.
   Athair, thoir gràdh dhomh,
   Gabh mis’ thugad fhéin;
   Cum mi ri d’ thaobh
   Is bi daonnan ’nam chrè.
   
3. Dìon mi, a Thighearna,
   Ri mo chliathaich ’s gach feachd;
   Cum mi fo d’ sgiath
   ’S thoir dhomh misneachd is neart,
   Fasgadh do m’ anam
   Is mi ri d’uchd dlùth;
   Treòraich mi dhachaigh,
   Dhè chumhachdaich Thu.
   
4. Beartas cha’n fhiach leam
   No miann chlann ’nan daoin’,
   Thusa na m’ fhianais
   Fad làithean mo shaogh’il;
   Thusa, Dhè ghràsmhoir,
   A-mhain na mo chrìdh’,
   Le blaths is gràdh sìorraidh,
   Mo thighearna ’s mo Rìgh.
   

© Céitidh Mhoireasdan agus Easbuigeachd Earraghaidheal is nan Eilean

Céitidh Mhoireasdan a dh'eadar-theangaich an laoidh seo bhon laoidh Bheurla, “Be Thou My Vision”, a tha e fhéin ’na eadar-theangachadh air dàn às an t-seann-Ghaedhilg, “Rop tú mo baile”. Chaidh a chlò-bhualadh bho chionn iomadh bliadhna anns an leabhar laoidhean “Seinnibh dhan Tighearna”.