A' tòiseachadh a-mach le Opera

Mu dheidhinn Opera

Fàilte ort gu Cobhair Opera, a tha ag innse dhut a h-uile rud as cudthromaiche mu dheidhinn Opera.

'S e "sealladair Eadarlìn" a tha ann an Opera, prògram a chleachdas tu airson a dhol a chèilidh air duilleagan Eadarlìn. 'S urrainn dhut cuideachd post-dealain a leughadh le Opera, agus naidheachd (Netnews), agus brathan teachdaireachd-sa-bhad (instant messaging) a sgrìobhadh.

Tuilleadh fiosrachaidh air an Eadarlìon

English

Tha tòrr mòr fiosrachaidh mu dheidhinn Opera ri fhaighinn air an Eadarlìon. Ma tha thu ag iarraidh barrachd fiosrachaidh na tha ri fhaighinn sa cobhair seo, feuch na ceanglaichean seo.

Gliocas: Airson cobhair a lorg sa stòras fiosrachaidh aig Opera mu dheidhinn cuspair air choireigin, mar eisimpleir craicnean, sgrìobh "o skins" san fhaiche seòlaidh aig Opera.

A' dèanamh ceangal modaim ris an Eadarlìon

English

Ma tha duilgheadas agad a' dèanamh ceangal ris an Eadarlìon, dearbhaich an toiseach gu bheil na gnòthaichean seo ceart gu leòr:

A' bheil am modam agad ceangailte mar bu chòir ris a' choimpiutair agus ris an loidhne fòn?
A' bheil am modam agad air?
A' bheil an loidhne fòn agad saor no a bheil cuideigin eile ga cleachdadh?
A' bheil thu air na cunntasan fòn agus Eadarlìn agad a' phàigheadh?

Mura chuidich sin thu, feuch na leanas:

Rach dhan chlàr-taice Faidhle air a' phrìomh chlàr-taice agus dèan cinnteach nach eil "Obair gun cheanal ris an Eadarlìon" air.
Dèan cinnteach gu bheil an ceangal Eadarlìn agad gleusta a rèir an fhiosrachaidh a fhuair thu bhon t-solaraichte cheangal Eadarlìn (ISP) agad no bhon rianaiche siostaim agad -- bruidhinn riutha ma tha thu feumach air taic.
Ma tha thu a' cleachdadh Windows 98 no Windows 2000, cleachd an dialer a tha a' tighinn còmhla ris an t-siostam -'s e seo "Dial-Up Networking", a ruigear leis an ìomhaigh "My Computer" air Bhàrr an Deasca
Ma tha thu a' cleachdadh dial-up networking, air neo feumaidh tu a ghleusadh gus an dèan e ceangal leis fhèin nuair a dh'fheuchas tu ri duilleag a leughadh bhon Eadarlìon, air neo feumaidh tu fhèin an ceangal a thòiseachadh gach uair a bhios e a dhìth ort.

Air uairean 's iad gnòthaichean nach gabh leigheas is coireach nach eil thu a' faighinn stuth bhon Eadarlìon:

'S dòcha nach eil an Solaraiche Cheangal Eadarlìn (ISP) agad ri fhaodainn fad greis
Air uairibh cha bhi làrach-lìn ri fhaodainn fad greis
'S dòcha gu bheil loidhne Eadarlìn cho trang 's gu bheil i loma-làn
'S dòcha gu bheil rudeigin briste air a' choimpiutair agad agus feumach air a chàireadh

Ma tha prògraman eile Eadarlìn ag obrachadh air a' choimpiutair agad agus nach eil Opera, rach gu Opera Support gus cobhair a lorg.

Opera sa Ghàidhlig

Briathrachas coimpiutaireachd san eadar-theangachadh Ghàidhlig de Opera
Faclair beag Gàidhlig-Beurla. Cothrom agad ceistean a chur agus molaidhean a thoirt seachad.
Opera sa Ghàidhlig: fiosrachadh bhon luchd eadar-theangachaidh
Air uairibh gheibhear athbhreac ùr sa Ghàidhlig an-seo mus bi an t-eadar-theangachadh buileach deiseil.

Ma tha thu air son 's gum bi na ceanglaichean gu "English" ag obrachadh sa Cobhair seo, feumaidh Opera sa Bheurla a bhith stàlachaichte air a' choimpiutair agad, a bharrachd air Opera sa Ghàidhlig.

A' faighinn Opera bhon Eadarlìon

English

Gheibhear athbhreac ùr de Opera airson diofar siostaman agus diofar cànanan bho na duilleagan download aig Opera Software.

Faigh Opera a-nis

A' stàlachadh Opera

English

Nuair a bhios tu air Opera a tharraing a-steach dhan choimpiutair agad, cuir am prògram stàlachaidh a' ruith agus lean an treòir a bheir e dhut.

Tha Opera a' tighinn saor 's an-asgaidh agus a' nochdadh shanasan-reic ann an raon gu h-àrd air an taobh-dheis den sgàil. Tha trì roghainnean agad:

Opera a ruith saor 's an asgaidh le measgachadh àbhaisteach de shanasan-reic
Opera a ruith saor 's an asgaidh le sanasan a fhreagras do na cuspairean anns a bheil ùidh agad
Cead-cleachdaidh a cheannach, do lethbhreac de Opera a chlàrachadh agus a ruith gun shanasan-reic

Ma tha thu airson Opera a ruith saor 's an asgaidh, faodaidh tu na cuspairean anns a bheil ùidh agad a chlàrachadh sna roghainnean sanasachd agus gheibh thu sanasan a tha nas freagarraiche dhut.

Tuilleadh fiosrachaidh mu dheidhinn Opera a stàlachadh

A' ceannach Opera

English

Ma tha thu airson Opera a cheannach airson a bhith ga chleachdadh às eugmhais shanasan-reic, dèan tadhal air an fhrithealaiche urrasach againn.

Ceannaich Opera a-nis

An dèidh dhut Opera a cheannach, gheibh thu fiosrachadh clàraidh, mar as trice anns a' phost-dealain. Rach gu "Clàraich do lethbhreac de Opera" fon chlàr-taice Cobhair agus cuir a-steach am fiosrachadh clàraidh gu faiceallach. Gheibh thu treòir sa bhrath dealain.

Tuilleadh fiosrachaidh mu Opera a chlàrachadh

A' chiad uair air an Eadarlìon

English

Seo beagan treòire airson daoine nach eil eòlach air an Eadarlìon:

A' dèanamh tadhal air duilleig-lìn
- Sgrìobh seòladh na duilleige, mar eisimpleir www.opera.com, san fhaiche seòlaidh aig Opera
- Briog air "Theirig"
A' lorg fiosrachaidh air an Eadarlìon
- Sgrìobh na tha thu a' sireadh sa fhaiche ioma-rannsachaidh aig Opera, an dèidh na faiche seòlaidh
- Briog air "Lorg"
- Tagh rannsachaidhean eile leis an t-saigheid
Ceanglaichean
- Bloigh teacsa a tha fo-stràcte air duilleig-lìn, mar as trice 's ceangal a th' innte
- 'S e seòl a dh' ionnsaigh duilleig eile a tha ann an ceangal
- Ma bhriogas tu air ceangal, thèid thu gu duilleig eile -- 's ann mar seo a tha an t-Eadarlìon co-cheangailte
Stiùireadh
- Nuair a sgrìobhas tu seòladh ùr, nuair a bhriogas tu ceangal air duilleig, bheirear thu gu deuilleig ùr
- Airson tilleadh gu duilleig far an robh thu roimhe, briog am putan "Air ais" air a' phrìomh chrann-innealan
- Briog "Air adhart" airson a dhol air adhart a-rithist
Gabhaidh Opera a chleachdadh airson post-dealain, naidheachd (netnews) agus teachdaireachd-sa-bhad cuideachd.

Ionnsaich barrachd mu dheidhinn stiùireadh tron Eadarlìon

Na comasan aig Opera

English

Tha an liosta seo a' sealltainn cuid de na comasan bunaiteach aig Opera:

Comharraidhean- lìn	An trusadh agad de cheanglaichean gu duilleagan-lìn	`Ctrl` + `Alt` + `B`
Eòlaich	Tasgaich fiosrachadh mu na caraidean agus na h-eòlaich agad	`Ctrl` + `Alt` + `C`
Làn-sgàilean	Cleachd an sgàilean gu lèir airson duilleagan-lìn no taisbeanaidhean a shealltainn	`F11`
Gnìomhan lucha	Cleachd an luch airson na gnìomhan as cumanta	Ionnsaich
Eachdraidh	Faigh liosta de na duilleagan gu lèir a chunnacas sna làithean mu dheireadh	`Ctrl` + `Alt` + `H`
Briog beò	Cuimhnich no eadar-theangaich facal ann an duilleig-lìn, no lorg e ann am faclair no air an Eadarlìon	Briog-dùbailte air an fhacal
Roghainnean	Gleus Opera airson na dòigh obrach agad fhèin	`Alt` + `P`
Sireadh	Lorg teacsa am broinn na duilleig a tha thu a' leughadh, no rannsaich an t-Eadarlìon gu grad an compàirt ri Opera fhèin	`Shift` + `F8`
Aithghearraidhean meurchlàir	Cleachd am meurchlàr airson iomadh rud	Ionnsaich
Leudachadh/ lùghdachadh	Gluais a-steach air duilleag gu lèir, no gluais a-mach airson sealladh farsaing fhaighinn	`+` agus `-` àireamhail

Cuimhnich cuideachd, tòrr de na rudan a bhios tu a briogadh orra gu h-àbhaisteach leis a' phutan chlì, ma nì thu briog orra leis a' phutan dheas gheibh thu clàr-taice le iomadh roghainn.