Sabhal Mòr Ostaig - A' Cholaiste

	Dachaigh \| Oileanaich & Luchd-Obrach \| Seòlaidhean \| Clàr na Làraich \|	Stòr–dàta Briathrachais \| Read in ENGLISH \|

DACHAIGH	A' CHOLAISTE	CÙRSAICHEAN	GOIREASAN	AN LEABHARLANN	CARAIDEAN	GÀIDHLIG AIR AN LÌON

Dachaigh » A' Cholaiste:

A' CHOLAISTE
Àrainn na Colaiste
Eachdraidh
Sùil air adhart
Cultar & na h-Ealain
Stiùireadh na Colaiste
Luchd-Dàimh
ICT
Institiùd OGE nam
Mìle Bliadhna
Cothroman Obrach

Cothroman Obrach aig Sabhal Mòr Ostaig

Dealbh air neach-obrach aig Ionad-fàilte an t-Sabhail

'S e sàr-ionad ionnsachaidh a th' ann an Sabhal Mòr Ostaig agus an aon cholaiste Ghàidhlig an Alba. Tha a' Cholaiste a' tabhann prògram de chùrsaichean adhartach, bho fhoghlam leantainneach gu cùrsaichean ceuma agus for-cheuma. Tha cùrsaichean cuideachd gan tabhann aig Ionad Chaluim Chille Ìle, a tha fo stiùir na Colaiste, ann an Ìle. Tha Sabhal Mòr Ostaig na phàirtiche ann an Institiùd OGE nam Mìle Bliadhna agus 's e a tha a' treòrachadh chàich ann an Sgeama na Gàidhlig is Chuspairean Co-cheangailte.

Tha a' Cholaiste ann an Slèite anns an Eilein Sgitheanach agus 's i am fastaiche as motha ann an ceann a deas an eilein. Aig a cheart àm, tha mu 60 neach-obrach làn-thìde agus mu 80 neach-obrach pàirt-thìde gam fastadh.

Bidh a' Cholaiste a' cur a làn thaic ri leasachadh proifeiseanta an luchd-obrach. Tha farsaingeachd chothroman ann airson leasachadh luchd-obrach: trèanadh, cothroman rannsachaidh is sgoilearachdan nam measg. Faodaidh luchd-obrach pàirt a ghabhail ann am prògraman leasachaidh a tha gan ruith le Institiùd OGE nam Mìle Bliadhna cuideachd.

Chaidh inbhe Creideas nar Cosnaichean agus Scottish Quality Management System a bhuileachadh air a' Cholaiste. Tha Co-Ionnanachd Chothroman aig cridhe Sabhal Mòr Ostaig agus cuirear fàilte air iarrtais bho gach roinn den choimhearsnachd.

Poileasaidh Co-Ionnanachd Chothroman (62 KB)

Sgeama Ciorram Co-Ionnanachd (100 KB)

Sgeama Ciorram Co-Ionnanachd-plana-gnìomha (27 KB)

Poileasaidh Ciorraim (48 KB)

Neach-taic Ionmhais is Rianachd
c. £15k pro rata - fòrladh màthaireil - 9 mìosan

Tha Sabhal Mòr Ostaig a’ sireadh neach-taic a chuireas ri
obair laitheil an Oifis Ionmhais is Rianachd.

Bidh sibh fileanta sa Ghàidhlig, le sgilean math rianachd,
eòlas air Excel agus bidh sibh mionaideach nur dòighean-
obrach. Bhiodh eòlas air SAGE feumail ach thèid trèanadh
a thabhann.

Tha Sabhal Mòr Ostaig a‘ tairgsinn foghlaim, trèanaidh
agus rannsachaidh tro mheadhan na Gàidhlig agus a’ cur
air adhart leasachaidhean sòisealta, dualchasach agus
eaconamach.

Airson pasgan fiosrachaidh cuiribh fios gu:
Nicola NicThòmais air 01471 888 301 no sm00na@uhi.ac.uk

Iarrtasan ri bhith a-staigh ro: Dihaoine 19 Am Màrt 2010

Bidh agaibh ri dhol tro sgrùdadh Disclosure Scotland
Tha co-ionannachd aig cridhe Shabhal Mòr Ostaig

Tuairisgeul Obrach

Sonrachadh Pearsa

SOILLSE
Proifeasair Rannsachaidh: Planadh & Poileasaidh na Gàidhlig

Tha am post ùr seo aig àrd-ìre acadaimigeach na chothrom mìorbhaileach a bhith a’ stiùireadh rannsachadh poileasaidh is planadh na Gàidhlig, agus an rannsachadh seo a chur air adhart aig na h-ìrean eadar-nàiseanta as àirde.

Airson pasgan fiosrachaidh cuiribh fios gu:
Nicola NicThomais - 01471 888 301 no sm00na@uhi.ac.uk

Bidh agaibh ri dhol tro sgrùdadh Disclosure Scotland
Tha co-ionnanachd aig cridhe Shabhal Mòr Ostaig

Tuairisgeul Obrach

Gheibhear Foirm Iarrtais Obrach ann an dà chruth, RTF agus PDF. Deasachaidh, sàbhalaidh agus clò-bhualaidh a' chuid as motha de choimpiutairean foirm RTF. Gabhaidh foirm PDF a chlò-bhualadh agus a lìonadh le làimh-sgrìobhaidh.

Foirm Iarrtais Obrach (PDF 297 KB)

Foirm Iarrtais Obrach (RTF)

Cumaibh sùil air an duilleig seo - bidh sanasan-obrach na Colaiste a' nochdadh air bho àm gu àm. Mar as trice bidh na sanasan a' nochdadh sa Phàipear Bheag agus Gasaet Steòrnabhaigh cuideachd.

Sabhal Mòr Ostaig, Slèite, An t-Eilean Sgitheanach, Alba IV44 8RQ Fòn: +44 (0) 1471 888 000 Post-dealain

Oileanaich & Luchd-Obrach | Seòlaidhean | Clàr na Làraich | An Stòr-data Briathrachais | Read in ENGLISH