Tha Bòrd Urrasairean aig Sabhal Mòr Ostaig a tha os cionn riaghladh na Colaiste. 'S ann orrasan a tha an t-uallach airson leasachadh phoileasaidhean agus roi-innleachd na Colaiste a stiùireadh.

Tha na roinnean a leanas fo chùram Buidheann Stiùiridh na Colaiste: Dealbhadh agus Solarachadh Acadaimigeach, Seirbheisean Corporra, agus Leasachadh.

Tha siostam comataidhean agus dòighean-obrach air a stèidheachadh gus amasan roi-innleachd na Colaiste a chur an gnìomh agus a' Cholaiste a ruith mar a bu chòir. Tha conaltradh èifeachdach ga bhrosnachadh le comataidhean a tha a' gabhail a-steach gach roinn den Cholaiste agus tha riochdairean oileanach air a' mhòr-chuid a chomataidhean. A bharrachd air siostaman riaghlaidh taobh a-staigh na Colaiste, bidh eòlaichean bhon taobh a-muigh cuideachd a' toirt taic dhi.

Airson tuilleadh fiosrachaidh air siostaman, comataidhean agus Structar luchd-stiùiridh taobh a-staigh Sabhal Mòr Ostaig, thoiribh sùil air:

Structaran Stiùiridh (52 KB)

Structar Luchd-Stiùiridh SMO (64.6 KB)

Chaidh inbhe Creideas nar Cosnaichean agus Scottish Quality Management System a bhuileachadh air a' Cholaiste. Bidh a' Cholaiste a' dèanamh ath-sgrùdadh air a cuid siostaman gu cunbhalach, airson seirbheisean cho math 's as urrainn a lìbhrigeadh. Rinn aithisgean sgrùdaidh QAA agus HMIE moladh mòr air cùrsaichean agus dòighean-obrach na Colaiste.
Aithisg QAA
Aithisg HMIE

Tha Sabhal Mòr Ostaig cuideachd a' cumail sùil air stiùireadh agus leasachadh Ionad Chaluim Chille Ìle.

Institiùd OGE nam Mìle Bliadhna

'S e Sabhal Mòr Ostaig aon de 14 com-pàirtiche ann an Institiùd OGE nam Mìle Bliadhna (OGE), air a riaghladh leis an Oifis-stiùiridh ann an Inbhir Nis. Tha luchd-obrach an t-Sabhail an sàs ann an leasachaidhean OGE agus bidh cuid a' gabhail pàirt ann an comataidhean iomchaidh taobh a-staigh a' chom-pàirteachais. Tha oileanaich na Colaiste cuideachd gam brosnachadh gus ùidh a ghabhail ann, mar riochdairean clas agus mar bhuill de UHISA, comann nan oileanach.

Airson an tuilleadh fiosrachaidh air dòighean-obrach Institiùd OGE nam Mìle Bliadhna, thoiribh sùil air an làraich-lìn aca.

Poileasaidhean Sabhal Mòr Ostaig

Tha dòighean-obrach agus poileasaidhean na Colaiste gan ath-sgrùdadh agus gan ath-leasachadh mar a chithear iomchaidh.

Bileag Dìon Chloinne (1.57 MB)

Poileasaidh Cànain (52 KB)

Poileasaidh Co-ionnanachd Chothroman (62 KB)

Poileasaidh Co-ionnanachd Cinnidh (134 KB)

Poileasaidh Ciorraim (48 KB)

Airson an tuilleadh fiosrachaidh air poileasaidhean Institiùd OGE nam Mìle Bliadhna, thoiribh sùil air: Poileasaidhean OGE

Saorsa Fiosrachaidh

Tha Sabhal Mòr Ostaig a' cur roimhe fiosrachadh sam bith a dh'iarras duine fo Achd Saorsa an Fhiosrachaidh (Alba) 2002 a sgaoileadh thuca. Tha seo a' gabhail a-steach fiosrachadh air mar a tha a' Cholaiste ga riaghladh, a cuid siostaman agus poileasaidhean. Tha sgeama foillseachaidh na Colaiste gu lèir ri fhaotainn air-loidhne aig: www.smo.uhi.ac.uk/foi/ Airson an tuilleadh fiosrachaidh cuiribh brath gu Nicola NicAoidh.