Dè tha an cùrsa a’ cosg?

Bidh e a’ cosg £161 airson gach modal ann an 2009-2010. Ma tha thu ag iarraidh CDan, tha iad seo rim faighinn aig £10 a bharrachd airson gach modal.

Cuimhnich gu bheil agad ri pàigheadh cosgais an fhòn airson co-labhairt gach seachdain. Gheibh thu prìsean gu math ìosal a-nis ged-thà, eadhon bho Na Stàitean Aonaichte, Canada agus Astràilia.

Tha An Cùrsa Adhartais clàraichte le sgeama aig Riaghaltas na h-Alba (ILA Alba). Am bliadhna tha riaghailtean ILA a’ dol a dh’ atharrachadh. Bhon Samhradh 2009,  ma tha an tuarastal agaibh nas ìosaile na £22,000 gach bliadhna agus ma tha sibh a' fuireach ann an Alba, ’s urrainn dhuibh fheuchinn ri taic cìsean fhaighinn - suas gu £500 ann am bliadhna. Airson tuilleadh fiosrachadh, thoir sùil air www.ilascotland.org.uk neo cuir fòn gu 0808 100 1090.

Ma tha thu an dùil gum bi e doirbh dhut na cosgaisean seo a phàigheadh, feuch gum bruidhinn thu rinn - tha Sabhal Mòr Ostaig an-còmhnaidh deònach comhairle agus cuideachadh a thoirt seachad.

Dè gheibh mi airson cosgais a’ chùrsa?

• Airson gach modal cànain, gheibh thu a-steach air-loidhne gu na leabhraichean-obrach agus faidhlichean-fuaim mp3 a tha a’ buntainn ris a’ mhodal sin


• Airson gach modail cuspaireil, gheibh thu a-steach gu na stuthan-teasgaig air-loidhne


• Co-labhairt fòn gach seachdain airson modalan cànain agus dà cho-labhairt gach seachdain airson nam modalan cuspaireil


• Fora còmhraidh air-loidhne airson mhodalan 7 & 8


• Measadh sgrìobhte agus labhairteach aig deireadh a’ mhodail airson modalan cànain


• Measaidhean sgrìobhte airson Modal 7


• Measaidhean sgrìobhte is labhairteach airson Modal 8


• Sgoil dheireadh-seachdain roghainneil airson gach dàrna modail de na modalan cànain


• Luchd-oide eòlach agus uidheamaichte a’ teagasg a’ chùrsa air fad agus a’ measadh do chuid obrach


• Taic tro phost-dealain is le fòn.


• Dòighean conaltraidh le oileanaich eile a’ Chùrsa, a’ gabhail a-staigh Bòrd-bràth