Le bhith a' cleachdadh na làraich seo, tha thu a' gabhail ri criomagan.
Faic poileasaidh nan criomagan againn airson barrachd fiosrachaidh air dè na criomagan a chleachdas sinn agus ciamar.

Dùin seo

Home

Cùrsaichean Goirid

Fàilte gu Cùrsaichean Goirid an t-Sabhail

 

Bidh na h-oifisean againn dùinte bho mheadhan-latha 19mh den Dùbhlachd gu 7mh den fhaoilleach.  Nollaig chridheil agus bliadhna mhath ùr dhuibh uile!

 

A bheil thu airson rudeigin ùr fheuchainn am-bliadhna? A bheil ùidh agad ann a bhith ag ionnsachadh, a’ coinneachadh ri daoine agus a’ leasachadh sgilean ùra?

Bidh Sabhal Mòr Ostaig a’ tarraing dhaoine bho gach ceàrnaidh den t-saoghal airson pàirt a ghabhail anns na cùrsaichean againn. Tha Gàidhlig, òrain, fìdhlearachd, dealbhadaireachd, am bogsa-ciùil is grunn chùrsaichean sònraichte eile am measg na tha sinn a’ tabhann.  Tha àrainn na Colaiste an dà chuid beòthail agus càirdeil agus gheibhear fàilte chridheil bho mhuinntir na Colaiste. Fhad ’s a tha sibh air ur bogadh ann an cultar na Gàidhlig bidh sibh cuideachd air ur bogadh ann an cultaran eile an t-saoghail!

Gheibhear an cothrom ur cuid eòlas a leasachadh agus sgilean ùra ionnsachadh leis na h-oidean cliùiteach againn, ann an àrainneachd far a bheil cultar agus cànan aig cridhe na Colaiste.

Air clàr na bliadhna 2019, tha roghainn de chùrsaichean againn gan tairgsinn thairis air a' Chàisg is Samhradh agus tha sinn air leth toilichte gu bheil grunn chùrsaichean ùra air nochdadh cuideachd!

Tha sinn an dòchas gun tig sibh a’ chèilidh oirnn am-bliadhna co-dhiù a tha sibh a' tilleadh, a' tighinn airson a' chiad uair no a' tòiseachadh às ùr!

                                                         

Sgioba nan Cùrsaichean Goirid

Sabhal Mòr Ostaig
Slèite
An t-Eilean Sgitheanach
IV44 8RQ
Alba

Fòn: +44 (0)1471 888 246 / 240
Post-d:
cg.smo@uhi.ac.uk