Le bhith a' cleachdadh na làraich seo, tha thu a' gabhail ri criomagan.
Faic poileasaidh nan criomagan againn airson barrachd fiosrachaidh air dè na criomagan a chleachdas sinn agus ciamar.

Dùin seo

Home

Sgilean Stiùidio le Hector MacInnes

Cinn-latha: 09/07/18 - 13/07/18
Cosgais: £260 (£180 do dh'oileanaich)
Neach-teagaisg: Hector MacInnes
Maoineachadh ILA ri fhaighinn: Chan eil

Clàraich an-dràsta!


Air a’ chùrsa seo, cuiridh sibh seachad seachdain ann an stiùidio sònraichte na Colaiste a’ rannsachadh ciùil is fuaim, mar a dh’obraicheas iad, mar a thèid an clàradh is an dèanamh, agus mar a ghabhas an cleachdadh air dòigh chruthachail.

Cuiridh sibh eòlas air mar a tha stiùidio-clàraidh didseatach an latha an-diugh agus togaidh sibh sgilean bunasach ann a bhith a’ clàradh, a’ cruthachadh, a’ deasachadh is a’ measgachadh ciùil is fuaim. Gheibh sibh cothrom feuchainn ri fear de na diofar sheòrsaichean de dh’fhuaim a riochdachadh, eadar ceòl, dràma rèidio no ealain fuaim.

A bharrachd air an uidheamachd is a’ bhathar-bhog phroifeiseanta as ùire a chleachdadh, bidh cuideachd cothrom agaibh obrachadh le tùsan-fuaime air leth, biodh siud le cuid dhen luchd-chiùil as cliùitiche ann an Alba air neo leis na tuinn a’ luasganaich air a’ chladach.

’S e Hector MacInnes a bhios gur stiùireadh air an turas agaibh tro riochdachadh-ciùil, neach a tha air obrachadh cuide ri còmhlain de gach seòrsa, eadar Dàimh agus Mylo, mar innleadair, riochdaire is neach-ciùil, agus a tha cuideachd air a bhith aig an stiùir air caochladh diofar phròiseactan rèidio, ealan-fuaime is pod-chraolaidh.

Chan fheum eòlas a bhith agaibh ro-làimh.

Chan eil beàrnan ann ach airson 8ar - glèidhibh àite air a' chùrsa an-dràst!