Ceum air Cheum

Tha 3 Earrannan anns a' Chùrsa agus dà shrùth, am Bann Coitcheann agus am Bann Luath.

Bann Coitcheann:

Tha 6 aonadan ann an Earrainn 1 agus bheir e 4 mìosan seo a chrìochnachadh
Tha 3 aonadan ann an Earrainn 2 agus bheir e 4mìosan seo a chrìochnachadh
Tha 3 aonadan ann an Earrainn 3 agus bheir e 4 mìosan seo a chrìochnachadh
Bidh aon sgoil ceann-seachdain aig Sabhal Mòr Ostaig ga tabhann leis gach Earrainn.

Dè ma tha beagan Gàidhlig agam mar thà?

Bann Luath:

Tha cruth sònraichte air a' Chùrsa Inntrigidh agus chan àbhaist do dhuine clàradh air a' Chùrsa an dèidh dhan chùrsa tòiseachadh. Faodaidh luchd-ionnsachaidh adhartach clàradh air a' Bhann Luath is bheir e 8 mìosan crìoch a chur air Earrann 1 - Earrann 3. Mar am Bann Coitcheann, bidh aon sgoil ceann-seachdain aig Sabhal Mòr Ostaig ga tabhann leis gach Earrainn air a' Bhann Luath.

Tha 6 aonadan ann an Earrainn 1 agus bheir e 2.5 mìosan seo a chrìochnachadh
Tha 4 aonadan ann an Earrainn 2 agus bheir e 3 mìosan seo a chrìochnachadh
Tha 4 aonadan ann an Earrainn 3 agus bheir a 2.5 mìosan seo a chrìochnachadh

Dè an ùine a dh'fheumas mi cur seachad ag obair air a' Chùrsa?

Uile gu lèir, 's àbhaist do dh'oileanach air a' Bhann Choitcheann 8-10 uairean a chur seachad gach seachdain ag obair air a' Chùrsa. Bidh oileanaich air a' Bhann Luath a' cur seachad mu 10-12 uair san t-seachdain ag obair air. Cuimhnich nach e ach tomhas a tha seo - tha dòighean obrach diofraichte aig a h-uile duine is bidh cuid ag ionnsachadh nas luaithe na cuid eile. Tha e nas èifeachdaiche a bhith ag ionnsachadh beag air bheag seach feuchainn ri tòrr ionnsachadh aig a' mhionaid mu dheireadh. Bidh cuid de na h-aonadan a' toirt nas fhaide na cuid eile - tha e an urra ribh fhèin.

Cuin a tha an Cùrsa a' tòiseachadh?

Tha na Clàran-ama ri faighinn gu h-ìosal
Feuch gu cuir sibh iarrtas a-staigh am bliadhna.

Clàran-ama airson 2009-2010:

Airson oileanaich ùr a' Chùrsa Inntrigidh agus oileanaich a tha a tilleadh chun a Chùrsa Inntrigidh:

Bann Luath. Earrann 1, 2 agus 3. An t-Sultain 2009 - A Chèitean 2010
LÀ MU DHEIREADH AIRSON IARRTASAN EARRANN 1: 31 An t-Iuchar 2009

Bann Coitcheann. Earrann 1 agus 2. An Dàmhair 2009 - An t-Ògmhios 2010
LÀ MU DHEIREADH AIRSON IARRTASAN EARRANN 1: 1 An t-Sultain 2009

Bann Coitcheann. Earrann 1. Am Màrt 2009 - An t-Òg-mhios 2010
LÀ MU DHEIREADH AIRSON IARRTASAN EARRANN 1: 11 Am Faoilleach 2010

Oileanaich a' Chùrsa Inntrigidh a tha a cumail orra:

Bann Coitcheann. Earrann 2 agus 3. An t-Sultain 2009 - An Cèitean 2010
LÀ MU DHEIREADH AIRSON IARRTASAN EARRANN 2: 24 An Lùnasdal 2009

Bann Coitcheann. Earrann 3. An t-Sultain 2009 - Am Faoilleach 2010
LÀ MU DHEIREADH AIRSON IARRTASAN EARRANN 3: 11 An Lùnastal 2009

Mura h-eil thu cinnteach mu dheidhinn dad sam bith cuir post-dealain thugainn an seo.