Streap

Ceum: Cùrsaichean air astar
Dòigh lìbhrigidh: Air Astar
Neach-stiùiridh:

Mun a' Chùrsa

Tha Streap fosgailte do:

• Thidsearan sgoil-àraich, bun-sgoile agus àrd-sgoile a tha air an clàradh leis an GTCS.
   
• Tha an teisteanas seo maoinichte le Riaghaltas na h-Alba.
   

Dè th’ ann an Streap?

• Teisteanas teagaisg (60 puing creideis) aig ìre Masters air a lìbhrigeadh le Oilthigh Obar Dheathain agus Sabhal Mòr Ostaig, le gach cosgais air a phàigheadh le Riaghaltas na h-Alba.
   
• Cothrom do chuid Ghàidhlig (sgrìobhadh, leughadh, labhairt agus èisteachd) a leasachadh.
   
• Cothrom an t-eòlas a th’ agad air foghlam Gàidhlig a leasachadh agus barrachd ionnsachadh mu chuspairean mar dà-chànanas agus bogadh.
   
• Cothrom coinneachadh agus obrachadh còmhla ri tidsearan eile a tha ag obair ann am foghlam tro mheadhan na Gàidhlig.

Ciamar a bhios Streap a’ ruith?

• Mairidh prògram Streap bliadhna, le trì coinneamhan aghaidh ri aghaidh
   
• Gheibh feadhainn a bhios a’ gabhail pàirt taic cànain bho thaoitear agus bho mhentor rè a’ phrògraim.
   
• Thèid a’ mhòr-chuid dheth a lìbhrigeadh air-loidhne.
   
• Bidh measadh leantainneach agus foirmeil anns a’ chùrsa.

Gheibhear fiosrachadh a' bharrachd mun a chùrsa seo air làrach-lìn Oilthigh Obar Dheathain: https://www.abdn.ac.uk/study/postgraduate-taught/degree-programmes/959/gaelic-medium-education/