Leabharlann
Seirbheis Leabharlainn an t-Sabhail Mhòir ri linn Covid-19
An-dràsta, tha an Leabharlann fhèin dùinte ach bidh sgioba an Leabharlainn ag obair bhon taigh airson seirbheis cho math ’s as urrainn a lìbhrigeadh. Bidh an sgioba ag obair Diluain-Dihaoine, 9.00-5.00, agus gheibh sibh taic is comhairle bhuapa air ll.smo@uhi.ac.uk
Seo fiosrachadh mu atharrachaidhean eile don t-seirbheis.
Iasadan
Thèid sìneadh a chur air na h-iasadan air gach leabhar a th’ aig oileanaich is luchd-obrach an-dràsta. Cha ruig duine a leas leabhraichean a thoirt air ais don Leabharlann anns an eadar-àm no an cur thugainn sa phost gus am bi cùisean air ais mar as àbhaist. Cha chuirear cìs sam bith air leabhar a tha fadalach.
Iasadan eadar leabharlannan OGE
Tha an t-seirbheis seo dùinte a-nis.
Stiùireadh air Goireasan an Leabharlainn
Tha stiùireadh anns na bhideothan a leanas air goireasan an Leabharlainn:
Leabhraichean agus irisean didseatach
Bidh sinn a’ moladh dhreachan dealanach de leabhraichean do Leabharlann OGE far a bheil sin comasach. Chì sibh na tha ri fhaighinn an cruth didseatach air modalan fa leth air na liostaichean mhodalan an seo: https://uhi.rl.talis.com/index.html
A’ lorg goireasan air loidhne Cleachdaibh Multisearch - https://encore.uhi.ac.uk/iii/encore_uhi/homepage?lang=eng - airson goireasan a lorg. Cleachdaibh na roghainnean ‘teacsa slàn’ no ‘air-loidhne’ airson nithean a shireadh a ghabhas leughadh ann an cruth didseatach. Bheir seo stuth clò-bhuailte far nan toraidhean agaibh. Tha tòrr mòr ghoireasan air an stòr-dàta A-Z aig OGE: https://libguides.uhi.ac.uk/az.php
Tha barrachd stiùiridh air goireasan dealanach, leabhraichean-d, ainmeachadh thùsan agus gu leòr eile air duilleag-dhachaigh LibGuides aig OGE: https://libguides.uhi.ac.uk/?b=g&d=a
Bidh an t-seirbheis ag atharrachadh a rèir mar a bhios an suidheachadh fhèin ag atharrachadh.