AN LEABHARLANN

Tha sinn ag ùrachadh duilleagan-lìn an Leabharlainn an-dràsta. Tha ceanglaichean riatanach rim faighinn an seo agus bidh fiosrachadh coileanta air na cruinneachaidhean is seirbheisean a’ nochdadh a dh’aithghearr. Tha sinn duilich mura h-eil na tha a dhìth ort ri lorg an-dràsta ach faodar ceist sam bith a chur thugainn aig ll.smo@uhi.ac.uk

An Leabharlann ri linn Covid-19
Tha an Leabharlann fosgailte do dh’oileanaich is luchd-obrach is luchd-tadhail a-rithist. Tha goireasan didseatach againn cho math ri seirbheisean cliog is cruinnich, puist is sganaidh (fiosrachadh gu h-ìosal) a leigeas leat na cruinneachaidhean a chleachdadh taobh a-muigh an Leabharlainn cuideachd. Airson taic bho sgioba an Leabharlainn, nach cuir thu fios thugainn air post-d.

Uairean-fosglaidh ▿

Seirbheis Cliog is Cruinnich ▿

Seirbheis iasaid tron phost ▿

Thoir sùil air catalog an Leabharlainn agus cuir post-d thugainn ag innse dè an leabhar/na leabhraichean a tha a dhìth ort. Thèid an t-òrdugh a chur thugad tron phost.

Gabhaidh leabhraichean tilleadh dhan Leabharlann saor an asgaidh a’ cleachdadh an t-seòlaidh gu h-ìosal. Cleachd a’ bhileag seòlaidh a fhuair thu an cois a’ pharsail leabhraichean agad no sgrìobh an seòladh mar a tha e a’ nochdadh gu h-ìosal. Chan eil feum air stampa no fiosrachadh sam bith eile air a’ chèis no parsal. Cha ghabh am Post Rìoghail ach ri parsalan air a bheil an seòladh seo:

Freepost RUEA-AXHB-YJEB
An Leabharlann
Sabhal Mòr Ostaig
Ionad Nàiseanta Cànain is Cultair
Teangue
Isle of Skye
IV44 8RQ

Seirbheis sganaidh ▿

Stiùireadh air Goireasan Didseatach ▿

Tha stiùireadh air goireasan leabharlainn OGE ri fhaighinn an seo.
Leabhraichean agus irisean didseatach
Bidh sinn a’ moladh dhreachan dealanach de leabhraichean do Leabharlann OGE far a bheil sin comasach. Chì thu na tha ri fhaighinn an cruth didseatach air modalan fa leth air na liostaichean mhodalan an seo.
Cleachd Multisearch airson goireasan air-loidhne a lorg. Cleachd na roghainnean ‘teacsa slàn’ no ‘air-loidhne’ airson nithean a shireadh a ghabhas leughadh ann an cruth didseatach. Bheir seo stuth clò-bhuailte far nan toraidhean agad. Tha tòrr mòr ghoireasan air an stòr-dàta A-Z aig OGE.
Tha barrachd stiùiridh air goireasan dealanach, leabhraichean-d, ainmeachadh thùsan agus gu leòr eile air duilleag-dhachaigh LibGuides aig OGE.