Scríbhneoir Gaeilge den scoth é. Suas le tríocha leabhar dá chuid foilsithe. Is é an scríbhneoir is ildánaí agus is mó saothar a d'eascair riamh as Contae Thiobraid Árann.
Bíonn míreanna as úrscéal nua dá chuid, Grá gan Ghruaim, ar an pháipéar seo gach seachtain agus táim cinnte go mbaineann léitheoirí LÁ ard-taitneamh astu.
Anois, tá an Gúm tar éis úrscéal nua de chuid Mháirtín a fhoilsiú. Leabhar beag atá ann (68 leathanach), é dírithe ar dhéagóirí, agus, fosta, ar dhaoine fásta atá ag iarraidh teacht isteach, athuair, ar léitheoireacht na Gaeilge. Gaeilge an leabhair, tá sí deas simplí ach an-saibhir ag an am céanna agus tá roinnt aistriúcháin Bhéarla de na focail dheacra ar na himill atá iontach cuiditheach.
Fuath agus Feall is teideal don seoidleabhar seo. An scéal féin, tá sé iontach spéisiúil, é inste - mar a insítear chomh minic sin i gcás scéalta Mháirtín - sa chéad phearsa. Baineann sé le Cogadh na Saorise i dTiobraid Árann, díreach mar a fheictear é trí shúile ógánaigh.
Tagann cailín óg isteach sa scéal - col ceathar leis an bhuachaill atá ag insint an scéil. Cailín óg urchóideach í, áfach, a tógadh i Sasana, a chaill a tuismitheoirí agus a thug gráin do Éirinn agus dá gaolta Éireannacha.
Dílseacht mhuintir Thiobraid Árann do Éirinn aimsir Chogadh na Saoirse, naimhdeas agus sotalacht lucht an Tí Mhóir, feall, fuath agus tragóid, léirítear iad uilig sa scéal álainn seo.
Tá éacht amháin eile curtha i gcrích ag Máirtín Ó Corrbuí. Tréaslaímid leis.
D'éirigh go hiontach leo. Thriall siad ar Sydney, Melbourne, Brisbane agus ar go leor bailte agus cathracha eile. Labhair siad ar an raidió agus ar an teilifís san Astráil agus bhuail siad le an-chuid daoine de bhunadh na hÉireann.
Scríobhadh alt fúthu san ARA NEWS, mor-iris sheachtainiúil Astrálach.
Léirigh an-chuid daoine spéis mhór ina bhfuil ar siúl in Éirinn chun Éirí Amach 1798 a cheiliúradh agus gheall siad go mbeidís féin agus a gcuid cairde ag triall ar an tír seo i 1998 nuair a bheidh na hócáidí comórtha faoi lán seol.
Ó thaobh cúnamh airgid de, cheannaigh leathscór de na Gaeil-Astrálaigh suíochán Seanaid (ar £2,000 an ceann) agus gheall 40 eile, ar a laghad, go ndéanfaidís amhlaidh amach anseo.
Is é seo an dara huair a tháinig muintir Oileán Chiarraí i gcabhair ar Ghaelscoil Inis Córthaidh. Tá buíochas mór ag dul do Sheán Ó Ciardhúbháin agus a chairde.
Is mian le Coiste Ghaelscoil Inis Córthaidh buíochas a ghabháil, fosta, leis na Gaelscoileanna eile a chuidigh leo agus a chuir airgead chucu anuraidh.
Bhí neart imeachtaí tarraingteacha ar siúl i mbliana - idir cheol, chraic, rince, amhránaíocht agus iomáint - gan trácht ar Aifreann Gaeilge agus comórtais thráth na gceist!
Bhí comórtais ar leith ann don aos óg inar cuireadh an bhéim ar chomhrá agus ar aithriseoireacht i nGaeilge agus ar an cheol traidisiúnta. Bhí caighdeán na gcomórtas teanga an-ard ar fad, na comórtais bhunscoile go háirithe.
[CLÁR] [1] [2] [3] [4] [5] [6] [7] [8] [9] [10]
[11] [12] [13] [14] [15] [16] [] [18] [19] [20]
Níl ríomhphost ar fáil