Prescriptions compounded

Tá an manadh oidis ullmhaithe ar fhuinneoig shiopa ceimiceora i mBéal Feirste. Ar ndóighe, sin iarraidh ar aistriú focal-ar-fhocal ar "prescriptions compounded". Agus is maith mar a thug an t-aistrightheoir "ullmhuigh" ar "compound". Ach ní maith mar a chuir sé an dá fhocal le chéile: "oideas" agus "ullmhuigh".

Oideas ullmhaithe — thuigfinn as sin go bhfuil oidis deánta réidh ag an cheimiceoir, lena dtabhairt duit nuair a shiubhlas tú isteach chuige. Chan sin an rud atá de dhíth ort, agus is dóiche nach é atá aige duit. Sé a ghlan-mhalairt is mian leis a rádh, is dóiche — go ndeánfaidh sé réidh duit an t-oideas atá de dhíth ort, do réir na duilleoige atá leat ag goil isteach ar an doras duit.

Sé sin le rádh, ullmhaitear oidis. Prescriptions compounded, chan compounded prescriptions.


Ciarán Ó Duibhín
2002/12/19
Clár cinn / Home page / Page d'accueil / Hauptseite