System specification

Chonnaic tú a leithéid seo go minic, gan amhras:

Próiseálán Pentium 1 GHz
Microsoft Windows 2000/XP
128 MB RAM
Farsaingeacht de 50 MB ar an diosca chruaidh

Cur síos atá ann ar acmhainn chórais ríomhaireachta — an acmhainn atá inmholta le go lonnófaí agus go rithfí píosa oideasra, abair. I mBéarla béidh teideal os a chionn cosúil le "Recommended specification". Caidé bheas os a chionn i nGaedhilg?

Sé an téarma oifigiúil ar "specification", "sonraíocht" (FR 319, gidh nach féidir a bheith lánchinnte gur sin an chiall den fhocal Béarla atá i gceist), agus uaidh sin, "Sonraíocht mholta" ar "Recommended specification". Sé an rud a chuirfinn féin os a choinne, "Acmhainn inmholta".

Go minic, bheirtear fosta cur síos ar an acmhainn is lugha atá riachtanach, faoin Bhéarla "Minimum specification". Arís mar thuigtear domhsa, sé an téarma oifigiúil ar seo "Íos-shonraíocht". Deirfinn féin "Acmhainn riachtanach".


Ciarán Ó Duibhín
2006/06/14
Clár cinn / Home page / Page d'accueil / Hauptseite