An Lagh - Cyfraith Hywel Dda

Anns a' bhliadhna 930AD, thàinig prionnsan na Cuimrigh cruinn còmhla ann an Whitland, neo Hendy Gwyn ar Dâf, mar a chanas sinn an-diugh. Cha d'rinneadh lagh às ùr aig an àm seo, ach sgrìobhadh sìos na cleachdaidhean laghal a bha air leasachadh tro na linntinn. Chuireadh cudthrom air rèite an àite peanais, airson sìth a chumail air feadh na dùthcha. Mar eisimpleir, nuair a mharbhadh duine, cha robh còir aig an teaghlach aige a bhith a' toirt dìoghaltas air a' mhurtair, ach bha iad a' faighinn airgid, a-reìr inbhe an ìobairteachd. Tha e cudthromach gun do sgrìobhadh na laghan sìos anns a' Chuimris bho thùs, ged a tha an leth-bhreac na bu shìne a tha ri fhaighinn an-dràsta, anns an Laideann.