Pwyll Pendeuic Dyuet
Pwyll Pendeuic Dyuet a oed yn arglwyd ar seith cantref Dyuet. A threigylgweith
yd oed yn Arberth, prif lys idaw, a dyuot yn y uryt ac yn y uedwl uynet
y hela. Sef kyueir o'y gyuoeth a uynnei y hela, Glynn Cuch. Ac ef a gychwynnwys
y nos honno o Arberth, ac a doeth hyt ym Penn Llwyn Diarwya ac yno y bu
y nos honno.
A thrannoeth, yn ieuengtit y dyd, kyuodi a oruc a dyuot y Lynn Cuch i ellwng
e gwn dan y coet. A chanu y gorn a dechreu dygyuor yr hela, a cherdet yn
ol y cwn, ac ymgolli a'y gydymdeithion. Ac ual y byd yn ymwarandaw a llef
yr erchwys, ef a glywei llef erchwys arall, ac nit oedynt unllef, a hynny
yn dyuot yn erbyn yr erchwys ef. Ac ef a welai lannerch yn y coet. o uaes
guastat; ac ual yd oed yr erchwys ef yn ymgael ac ystlys y llannerch, ef
a welai carw o ulaen yr erchwys arall. A pharth a pherued y llannerch llyma
yr erchwys a oed yn y ol yn ymordiwes ac ef, ac yn y uwrw y'r llawr.
Ac yna edrych ohonaw ef ar liw yr erchwys, heb hanbwyllaw edrych ar y carw.
Ac o'r welsei ef o helgwn y byt, ny welsei cwn unlliw ac wynt. Sef lliw
oed arnunt, claerwen llathreit, ac eu clustiau yn gochyon. Ac ual y llathrei
wynnet y cwn, y llathrei cochet y clusteu. Ac ar hynny at y cwn doeth ef,
a gyrru yr erchwys a ladyssei y carw e ymdeith, a llithyaw y erchwys e
hunan ar y carw.