CLASAICHEAN OIDHCHE AIR-LOIDHNE
Bidh na clasaichean oidhche air-loidhne a’ tòiseachadh anns an Dàmhair, agus bidh iad a’ gabhail àite tro Zoom. Bidh sinn a’ cur barrachd chùrsaichean an seo tron bhliadhna, ach ma tha cùrsaichean sam bith ann a chòrdadh leat fhaicinn, nach leig thu fios thugainn air: . Cuir fios thugainn ma tha cairt Young Scot agad, air neo ma tha thu 26 bliadhna a dh’aois no nas òige agus a-riamh ann an suidheachadh cùraim (mar eisimpleir: cùram-daltachd, còmhnaidh leth-neo-eisimeileach no dachaigh-cùraim) agus gheibh thu 30% far a’ chùrsa agad!
CINN-LÀ IS CÙRSAICHEAN
Tha na clasaichean gu h-ìosal ann an òrdugh a rèir ceann-latha tòiseachaidh.
GÀIDHLIG AIRSON LUCHD-LABHAIRT NA GAEILGE (ADHARTACH) LE RODY GORMAN
’S ann dhaibhsan aig a bheil Gaeilge a tha air crìoch a chur air a’ chùrsa luchd-tòiseachaidh aig Sabhal Mòr Ostaig a tha an cùrsa air-loidhne seo, air neo dhaibhsan aig a bheil deagh bhun-stèidh sa chànan mar-thà. ‘S e an cànan labhairteach air am bithear ag obair, le cuideam a chur air fuaimneachadh fad an t-siubhail.
A’ tòiseachadh 21 Dàmhair 2024
19:30 – 21:00 gach Diluain airson 8 seachdainean
CÙRSA FÌDHLEARACHD LE CHARLIE MCKERRON
Bidh na clasaichean seo freagarrach do chluicheadairean aig ìre eadar-mheadhanach agus na b’ àirde. Ionnsaichidh sibh air chluais, ach bidh ceòl sgrìobhte ri fhaighinn às dèidh làimhe.
A’ tòiseachadh 29 Dàmhair 2024
19:30 – 21:00 gach Dimàirt airson 8 seachdainean
GÀIDHLIG ÌRE 5
Bidh an cùrsa seo freagarrach do luchd-ionnsachaidh a tha a’ tuigsinn Gàidhlig aig ìre eadar-mheadhanach àrd agus a tha comasach còmhradh a dhèanamh le bhith a’ cleachdadh structairean mionaideach.
A’ tòiseachadh 22 Dàmhair 2024
19:00 – 20:30 gach Dimàirt airson 8 seachdainean
GÀIDHLIG ÌRE 7
Bidh an cùrsa Gàidhlig Ìre 7 freagarrach do luchd-ionnsachaidh aig a bheil deagh eòlas air a’ Ghàidhlig, le sàr chomasan conaltraidh ann an sgilean labhairt is sgrìobhaidh.
A’ tòiseachadh 22 Dàmhair 2024
19:00 – 20:30 gach Dimàirt airson 8 seachdainean
ÒRAIN GHAIDHLIG LE CHRISTINE PRIMROSE
Ionnsaich òrain Ghàidhlig le tè de na seinneadairean as cliùitiche ann an Alba. Gheibh thu cothrom teagasg air leth fhaighinn, is gheibh thu cuideachd cothrom seinn còmhla is ionnsachadh bhon bheartas de dh’òrain thraidiseanta a tha Christine air càrnadh tro beatha.
A’ tòiseachadh 23 Dàmhair 2024
19:00 – 20:00 gach Diciadain airson 8 seachdainean
GÀIDHLIG ÌRE 3
Bidh an cùrsa seo freagarrach do luchd-ionnsachaidh a tha a’ tuigsinn Gàidhlig aig ìre eadar-mheadhanach ìosal agus a tha comasach air còmhradh a dhèanamh le bhith a’ cleachdadh structaran sìmplidh
A’ tòiseachadh 23 Dàmhair 2024
19:00 – 20:30 gach Diciadain airson 8 seachdainean
CLASAICHEAN CÒMHRAIDH (EADAR-MHEADHANACh)
Tha na clasaichean oidhche air-loidhne seo ag amas air cothrom còmhraidh a thoirt do dh’oileanaich. Le beachdachadh air diofar cuspair gach seachdain, bheir na h-ochd chlasaichean seo seachad cothrom dhuibh do bhriathrachas a leudachadh, abairtean agus gnàthasan-cainnte a chleachdadh agus aig an aon àm misneachd a thogail ann an còmhradh ri chèile.
A’ tòiseachadh 24 Dàmhair 2024
19:30 – 21:00 gach Diardaoin airson 8 seachdainean
GÀIDHLIG ÌRE 1
Bidh an cùrsa seo freagarrach do fhìor luchd-tòiseachaidh gun Ghàidhlig sam bith – m.e. daoine aig NACH EIL eòlas ionnsachaidh a-cheana, leithid Duolingo no clasaichean ionadail.
** Clas a bharrachd **
A’ tòiseachadh 23 Dàmhair 2024
20:00 – 21:30 gach Diardaoin airson 8 seachdainean
GÀIDHLIG ÌRE 1
Bidh an cùrsa seo freagarrach do fhìor luchd-tòiseachaidh gun Ghàidhlig sam bith – m.e. daoine aig NACH EIL eòlas ionnsachaidh a-cheana, leithid Duolingo no clasaichean ionadail.
** THA AN CÙRSA SEO A-NIS LÀN. MA THA THU AIRSON D’ AINM A CHUR RIS AN LIOSTA-FHEITHEIMH, CUIR POST-D GU: **
A’ tòiseachadh 24 Dàmhair 2024
19:00 – 20:30 gach Diardaoin airson 8 seachdainean
BEARTAS CAINNT LE AILIG BHALTOIS DÒMHNALLACH
Tha an cùrsa seo dhaibhsan aig a bheil deagh thomhas de Ghàidhlig mar-thà, ach a tha airson na comasan aca a thoirt air aghaidh chun na h-ath-ìre gus an urrainn dhaibh an cuid Ghàidhlig a dhèanamh cho siùbhlach is gnàthasach ’s a ghabhas. Ged a thèid cuideam a chur air sgilean labhairt, èisteachd is fuaimneachaidh gach oileanaich a leasachadh, coimheadar cuideachd ri cnàmhan a’ chànain tro abairtean, sean-fhaclan, gnàthasan-cainnt agus dualchainnt.
A’ tòiseachadh 28 Dàmhair 2024
19:30 – 21:00 gach Diluain airson 7 seachdainean
AINMEAN-ÀITE NA H-ALBA – ÌRE 1
Bheir an cùrsa seo cothrom ionnsachadh mun dàimh eadar cànan is àite, cultar agus cruth-tìre taobh a-staigh co-theacs Albannach. Bidh an cùrsa tarraingeach do dhuine sam bith aig a bheil ùidh ann an cruth-tìre, cànan is cultar na h-Alba. Bidh an cùrsa air a theagasg tro mheadhan na Beurla; chan eil feum air eòlas sam bith air Gàidhlig no cànanachas.
A’ tòiseachadh 29 Dàmhair 2024
19:30 – 21:00 gach Dimàirt airson 7 seachdainean
GÀIDHLIG AIR CRUTH NA TÌRE
Tha an cùrsa aon-latha seo ag amas air daoine aig a bheil ùidh ann an ainmean Gàidhlig nar tìr, mar eisimpleir ainmean bheanntan agus cruthan cumanta eile leithid bealach, allt is eilean, agus tha an cùrsa seo gu sònraichte inntinneach do luchd-iùil nam beann agus oidean air a’ bhlàr-a-muigh.
08 Samhain 2024
10:00 – 15:30
AM FAOILLEACH 2025
BEARTAS CAINNT LE AILIG BHALTOIS DÒMHNALLACH
Tha an cùrsa seo dhaibhsan aig a bheil deagh thomhas de Ghàidhlig mar-thà, ach a tha airson na comasan aca a thoirt air aghaidh chun na h-ath-ìre gus an urrainn dhaibh an cuid Ghàidhlig a dhèanamh cho siùbhlach is gnàthasach ’s a ghabhas. Ged a thèid cuideam a chur air sgilean labhairt, èisteachd is fuaimneachaidh gach oileanaich a leasachadh, coimheadar cuideachd ri cnàmhan a’ chànain tro abairtean, sean-fhaclan, gnàthasan-cainnt agus dualchainnt.
A’ tòiseachadh 13 Faoilleach 2025
19:30 – 21:00 gach Diluain airson 8 seachdainean
CÙRSA FÌDHLEARACHD LE CHARLIE MCKERRON
Bidh na clasaichean seo freagarrach do chluicheadairean aig ìre eadar-mheadhanach agus na b’ àirde. Ionnsaichidh sibh air chluais, ach bidh ceòl sgrìobhte ri fhaighinn às dèidh làimhe.
A’ tòiseachadh 14 Faoilleach 2025
19:30 – 21:00 gach Dimàirt airson 8 seachdainean
GÀIDHLIG ÌRE 6
Bidh an cùrsa seo freagarrach do luchd-ionnsachaidh a tha a’ tuigsinn Gàidhlig aig ìre eadar-mheadhanach àrd agus a tha comasach còmhradh a dhèanamh le bhith a’ cleachdadh structairean mionaideach.
A’ tòiseachadh 14 Faoilleach 2025
19:00 – 20:30 gach Dimàirt airson 8 seachdainean
GÀIDHLIG ÌRE 8
Bidh an cùrsa seo freagarrach do luchd-ionnsachaidh aig a bheil eòlas làidir air a’ Ghàidhlig, le sàr chomasan conaltraidh ann an sgilean labhairt is sgrìobhaidh. Mar phàirt den chùrsa, gheibhear eòlas air gràmar, cothroman sgilean labhairt a chleachdadh is cothrom dòighean ùra cànain is briathrachas ùr ionnsachadh.
A’ tòiseachadh 14 Faoilleach 2025
19:00 – 20:30 gach Dimàirt airson 8 seachdainean
AINMEAN-ÀITE NA H-ALBA – ÌRE 2
Tha an cùrsa seo air a dhealbhadh mar leantalachd de Chùrsa Goirid an t-Samhraidh no Cùrsa Air-loidhne Ìre 1. Ged nach eil e riatanach a bhith air crìoch a chur air a’ chùrsa Ìre 1 roimhe seo, cha tèid an stuth a choimhead air a-rithist, agus mar sin bhiodh beagan eòlas ‘toponymic’ feumail airson a’ chuid as fheàrr fhaighinn às a’ chùrsa seo. Bidh an cùrsa air a theagasg tro mheadhan na Beurla; chan eil feum air eòlas sam bith air Gàidhlig no cànanachas.
A’ tòiseachadh 14 Faoilleach 2025
19:30 – 21:00 gach Dimàirt airson 8 seachdainean
GÀIDHLIG ÌRE 2
Bidh an cùrsa seo freagarrach do luchd-tòiseachaidh aig a bheil beagan Gàidhlig. San ìre seo, gheibhear ionnsachadh air:
- roimhearan ùra, mar ‘anns’ agus ‘às’;
- ro-riochdairean, mar ‘aig’ agus ‘ann’;
- agus structaran coimeasach.
A’ tòiseachadh 16 Faoilleach 2025
19:00 – 20:30 gach Diardaoin airson 8 seachdainean
GÀIDHLIG AIR CRUTH NA TÌRE
Tha an cùrsa aon-latha seo ag amas air daoine aig a bheil ùidh ann an ainmean Gàidhlig nar tìr, mar eisimpleir ainmean bheanntan agus cruthan cumanta eile leithid bealach, allt is eilean, agus tha an cùrsa seo gu sònraichte inntinneach do luchd-iùil nam beann agus oidean air a’ bhlàr-a-muigh.
01 Gearran 2025
10:00 – 15:30
Airson fios air Susbaint a’ Chùrsa aig gach Ìre Gàidhlig, cliog air na ceanglaichean gu h-ìosal:
| Gàidhlig Ìre 1 | Gàidhlig Ìre 2 |
| Gàidhlig Ìre 3 | Gàidhlig Ìre 4 |
| Gàidhlig Ìre 5 | Gàidhlig Ìre 6 |
| Gàidhlig Ìre 7 | Gàidhlig Ìre 8 |
| Gàidhlig Ìre 9 | Gàidhlig Ìre 10 |
| Gaelic Level Equivalences | |