Pàrantachadh Corporra
Taic do dhaoine òga fo chùram agus dhaibhsan a tha a’ fàgail cùraim
Tha Sabhal Mòr Ostaig dealasach a thaobh àrainneachd ionnsachaidh shàbhailte is thaiceil a thoirt don a h-uile pàiste is neach òg clàraichte mar oileanach againn a tha air a bhith fo chùram, gus comas a thoirt dhaibh an cùrsa aca a chrìochnachadh agus gus am brosnachadh airson na comasan aca a choileanadh. Mar Phàrant Corporra, feuchaidh Sabhal Mòr Ostaig ri dèanamh cinnteach gu bheil siostaman taic iomchaidh ann airson na buidhne seo de chloinn is dhaoine òga.
Tha sinn mothachail gur dòcha gum feum daoine òga a tha fo chùram, air neo a dh’fhàg cùram, taic a bharrachd gus faighinn tro bheatha na Colaiste, agus mholamaid fios a leigeil dhuinn ma tha thu nad neach fàgail cùraim gus an urrainn dhuinn cuideachadh a thabhann agus taic a thoirt dhut tron ùine agad sa Cholaiste. Is iad eisimpleirean de chùram: cùram còmhnaidheach; cùram altraim; agus cùram dàimh (fo chùram caraidean no càirdean a bharrachd air pàrantan).
Ma chuireas tu fois dhan fhoirm tagraidh UCAS no oilthigh agad gu bheil thu nad neach fàgail cùraim, faodaidh sinn fios a chur thugad agus taic a thabhann mus tòisich thu air a’ chùrsa agad. Is dòcha gu bheil thu a’ smaoineachadh nach eil feum agad air taic sam bith, ach ma dh’atharraicheas seo aig àm sam bith tron ùine thagraidh air neo fhad ‘s a tha thu ag ionnsachadh còmhla rinn, cuir fios gu Seirbheisean Oileanach.
Seo cuid den taic a bharrachd a bheir an sgioba Sheirbheisean Oileanach againn seachad:
- Comhairle ionmhais
- Cuideachadh le bhith a’ socrachadh ann am beatha na Colaiste
- Taic gus am faigh thu nas urrainn dhut à beatha oileanach
- Comhairle agus stiùireadh coitcheann, a’ toirt a-steach comhairle mu dhreuchdan, àiteachan-fuirich, comhairleachadh agus taic ionnsachaidh a bharrachd ma tha sin iomchaidh
Seo ceanglaichean a dh’fhaodadh a bhith feumail:
Gheibh thu fiosrachadh feumail air duilleag Luchd fàgail cùraim OGE.
Pàrantachadh Corporra – Taic do dhaoine òga fo chùram agus dhaibhsan a tha a’ fàgail cùraim