An Seanadh - Ceistean Cumanta - Oileanaich

An Seanadh: Oileanaich – Ceistean Cumanta

Dè th’ ann an Seanadh?

’S e àrd-bhuidheann acadaimigeach aig Institiud Foghlam Àrd-ìre no Oilthigh a th’ ann an Seanadh. Tha e an urra ris na gnìomhan acadaimigeach a leithid teagasg agus rannsachadh. Tha an Seanadh, mar as trice, an urra ri giùlan is cùram oileanach cuideachd. Bidh an Seanadh a’ freagairt ris a’ Bhòrd Stiùiridh.
Carson a tha Seanadh ann?

Feumaidh sinn structar riaghlaidh a chur an sàs a tha a’ freagairt air na dleastanasan againn, as urrainn cumhaichean na h-inbhe sin a làimhseachadh agus a ghèilleas ri riaghailtean laghail Riaghaltas na h-Alba a thaobh Institiudan Foghlam Àrd-ìre agus e mar dùil againn a bhith nar Institiud Foghlam Àrd-ìre is sinn ag obair a dh’ionnsaigh inbhe Institiud Bheag Shònraichte. Tha sinn a’ coileanadh na h-ìrean foghlaim is ionnsachaidh againn fhèin tron t-Seanadh. Bidh an Seanadh a’ dearbhadh gun daingnich sinn riaghailtean cùram oileanach.
Dè bhios an t-Seanadh a’ dèanamh?
Bidh an Seanadh an urra ri dealbhadh, co-òrdanachadh, leasachadh is stiùireadh nam poileasaidhean is nam modhan-obrach an lùib gnìomhan acadaimigeach na Colaiste a leithid aontachadh chùrsaichean ùra, phròiseactan rannsachaidh agus iomairtean cùram oileanach.
Bidh na comataidhean a leanas ag obair fon t-Seanadh:
Comataidh Rannsachaidh
Comataidh Sgoilearachdan
Comataidh Càileachd
Comataidh Chomhairleachaidh Leabharlainn
Buidheann Cùraim
Cò na riochdairean air an t-Seanadh?

Tha deichnear bhall air an t-Seanadh, agus nam measg ceathrar riochdairean àrd ìre na Colaiste, ceathrar riochdairean luchd-obrach an Fhoghlaim agus dithis riochdairean oileanach. Thèid riochdairean luchd-obrach an Fhoghlaim is na riochdairean oileanach a thaghadh don t-Seanadh. Mairidh teirmean nan riochdairean oileanach bliadhna a-mhàin agus faodar an taghadh a-rithist.
Cò dh’fhaodas a bhith nan tagraiche airson an t-Seanaidh?
Cò dh’fhaodas bhòtadh airson thagraichean oileanach (2 riochdaire)?
Dè cho tric a choinnicheas an Seanadh?
Dè an diofar a nì Seanadh do dh’oileanaich an t-Sabhail Mhòir?

Tha Bòrd Shabhal Mòr Ostaig a’ cur nan cumhachdan airson co-dhùnaidhean ro-innleachdail a dhèanamh air cùrsaichean, prògraman, leasachadh a’ chlàir-oide is eile fo chùram an t-Seanaidh: tha seo a’ toirt cothrom do luchd-obrach an Fhoghlaim is oileanaich làmh aig an stiùir a thaobh chùisean acadaimigeach. Tha an Seanadh a’ taghadh dithis riochdairean air a’ Bhòrd. Cuiridh riochdairean ris na co-dhùnaidhean às leth an t-Seanaidh.
Ciamar a b’ urrainn dhomh a thighinn an sàs ann an Seanadh an t-Sabhail Mhòir?
Dè na dleastanasan a bhios aig buill?

Thèid riochdairean oileanach a thaghadh leis na h-oileanaich agus bidh iad a’ riochdachadh nan oileanach gu lèir. Bidh na riochdairean oileanach nam buill (ex officio) den Chomataidh Chomhairleachaidh Oileanach a bhios a’ coinneachadh gach teirm. Leigidh seo le riochdairean oileanach an t-Seanaidh com-pàirteachadh leis na h-oileanaich is luchd-obrach an Fhoghlaim agus eòlas a chur air cùisean a tha a’ toirt buaidh air diofar bhuidhnean de dh’oileanaich. Feumaidh gach ball den t-Seanadh dèanamh cinnteach gu bheilear a’ coileanadh raon-obrach an t-Seanaidh agus gu bheilear a’ cumail ris na h-ìrean foghlaim, rannsachaidh is cùram oileanaich as àirde.
Am faod mi a bhith nam Riochdaire Clas air a’ Chomataidh Choimhearlachaidh Oileanach cuideachd?
Am faod mi a bhith nam Cheann-suidhe de Chomann nan Oileanach agus nam riochdaire Seanaidh?

Ma thèid do thaghadh mar Cheann-suidhe de Chomann nan Oileanaich, is tusa mar sin an riochdaire oileanach (ex officio) den Bhòrd Stiùiridh.
Faodaidh an dithis oileanach a th’ air an taghadh don t-Seanadh a bhith nan tagraichean airson aon de na buill thaghte bhon t-Seanadh air a’ Bhòrd.
Mar sin dheth, chan fhaod thu tagradh a chur air adhart aig an aon àm airson dreuchd Ceann-suidhe CnO agus an t-Seanaidh (air sàillibh is nach fhaod neach a bhith air an taghadh dà thuras don t-Seanadh ann an dà dhreuchd eadar-dhealaichte).
Ciamar a chaidh pròiseas cruthachaidh an t-Seanaidh a stiùireadh?
Cuin a bhios a’ chiad choinneamh agam?
Dè na dòighean eile a chuireas mi mo bheachd air adhart aig Sabhal Mòr Ostaig air cùisean foghlaim is gnothaichean oileanach?
Tha ceithir dòighean eile a chleachdas oileanaich airson com-pàirteachadh a thaobh liubhairt na Colaiste:
Comataidh Chomhairleachaidh Oileanach– riochdairean clas gan taghadh aig toiseach gach bliadhna air a’ chomataidh seo a choinnicheas turas gach teirm.
Ballrachd Oileanach air Comataidhean an t-Sabhail Mhòir, m.e. Comataidh na Leabharlainn, Comataidh Rannsachaidh agus Comataidh Càileachd na Colaiste (faic Annex 1).
Measaidhean mhodalan is chùrsaichean.
Comann nan Oileanach – bidh luchd-obrach na Colaiste a’ conaltradh ri Comann nan Oileanach air cùisean cudromach, agus tro fo-chomataidh Beatha nan Oileanach. Tha roghainn aig Ceann-suidhe CnO a bhith na làn bhall de Bhòrd an t-Sabhail Mhòir- am prìomh ùghdarras airson co-dhùnaidhean a dhèanamh aig Sabhal Mòr Ostaig.
Bidh Sabhal Mòr Ostaig cuideachd a’ fiathachadh oileanaich gus an cuir iad ri sgrùdadh bliadhnail molaidhean nan oileanach agus a’ brosnachadh oileanaich gu bhith bruidhinn ri luchd-teagaisg no, airson cùrsaichean HE, ris an neach-comhairleachaidh acadaimigeach aca, ma tha iad airson gnothaichean acadaimigeach a thogail àm sam bith.

Annex 1 Comataidhean SMO

Tha com-pàirteachas oileanach fìor chudromach do Shabhal Mòr Ostaig. Bidh Sabhal Mòr Ostaig a’ brosnachadh oileanach gus an cuir iad ri obair Comataidhean Acadaimigeach na Colaiste, a’ gabhail a-steach na leanas:

Bòrd Stiùiridh: 2 riochdaire (Àrd oifigearan CnO)

Comataidh Càileachd: 2 riochdaire

Fo-chomataidh Beatha nan Oileanach: 2 riochdaire

Comataidh an Leabharlainn: 1 riochdaire (foghlam àrd-ìre/HE)

Comataidh Rannsachaidh: 1 riochdaire for-cheum

Comataidh Sgeama na Gàidhlig agus Cuspairean Co-cheangailte (GRSS) SMO/UHI: 1 riochdaire (foghlam àrd-ìre/HE)

Ma tha ùidh agad a dhol an-sàs ann an Comataidh sam bith, feuch gun cuir thu fios gu Eilidh NicPhàidein, Co-òrdanaiche Seirbhisean is Com-pàirteachas Oileanach:

An Seanadh: Oileanaich – Ceistean Cumanta

Annex 1 Comataidhean SMO

IARRTASAN & FIOS MU CHÙRSAICHEAN

CUIR FIOS THUGAINN

Fiosrachadh COITCHEANN

CEISTEAN BHO NA MEADHANAN

CÙM SÙIL