LEASACHADH PROIFEISEANTA
SVQ3 Seirbheisean Sòisealta (Clann is Òigridh)
An e neach-taic sgoile a th’ annad ann am foghlam tro mheadhan na Gàidhlig no luchd-obrach nan sgoiltean àraich agus a bheil ùidh agad ann an teisteanas phroifeiseanta? A bheil thu ag obair còmhla ri òigridh? Air a’ chùrsa seo, bidh thu a’ cruthachadh pasgan de dh’fhianais air eòlas, sgilean agus comasan san obair agad fhèin.
MSc Cultar Dùthchasach is Eachdraidh na Gàidhealtachd
Tha an cùrsa ùr-ghnàthaichte seo, le cliù fad is farsaing, a’ toirt dhut cothrom sònraichte eòlas farsaing agus domhainn a chur air dualchas nan Gàidheal – uile-gu-lèir tron Ghàidhlig.
MEd Foghlam Gàidhlig
’S e prògram trì bliadhna de dh’ionnsachadh proifeiseanta a th’ anns a’ Cheum Mhaighstireachd ann am Foghlam (MEd) ann am Foghlam Gàidhlig.
DLP Eadar-theangachadh Gàidhlig
Tha an DLP Eadar-theangachadh Gàidhlig a’ freagairt orrasan a tha ag obair cheana mar eadar-theangaichean is iad airson tuilleadh leasachaidh a dhèanamh air an eòlas, sgilean agus cleachdadh.