COTHROMAN OBRACH
Is e Sabhal Mòr Ostaig aon de na fastaichean as motha anns an Eilean Sgitheanach a’ tabhann chothroman-obrach fad-bliadhna. Le còrr is 100 neach-obrach, tha sinn a’ cur fàilte air iarrtasan bho dhuine sam bith a tha airson a bhith an lùib coimhearsnachd-obrach a tha brosnachail, a chuireas luach sa chànan agus a tha a’ tuigsinn cho cudromach ‘s a tha obair sgioba ann a bhith a’ cur ri iomairt na Gàidhlig.
Tha co-ionannachd chothroman aig cridhe an t-Sabhail, agus tha sinn airson ‘s gum bi cothrom aig duine sam bith air an cànan prìseil seo a chleachdadh nan obair làitheil. Leis a sin, tha sinn a’ creidsinn nach bu chòir ciorram, aois, ùine ann an cùram, gnè, nàiseantachd no fèin-aithne bacadh a chur ort sin a dhèanamh.
Far a bheil a’ Ghàidhlig riatanach anns an dreuchd, tha na sanasan obrach againn ann an Gàidhlig a-mhàin. Far a bheil sanas dà-chànanach, bhiodh e math nan robh Gàidhlig agad, ach tha cothroman ionnsachaidh gan tabhann mar phàirt den obair. Faic na cothroman obrach gu h-ìosal.
MANAIDSEAR AN IONAD – FÀS MÒR
Tuarastal: £30,168 – £34,985 a rèir teisteanasan is eòlais
Cùmhnant: Maireannach, Làn-ùine
’S e ionad cùraim-chloinne Ghàidhlig a th’ ann am Fàs Mòr a tha stèidhichte aig Bun-sgoil Shlèite san Eilean Sgitheanach. Gheibh clann aois 0-12 cùram againn ann an àrainneachd chàirdeil, altramach is bhrosnachail agus tha àite cudromach againn sa choimhearsnachd ionadail againn cuideachd.
Tha sinn a’ sireadh Manaidsear an Ionaid gus ar sgioba beag, càirdeil a stiùireadh. Seo cothrom air leth do chuideigin aig a bheil eòlas air cùram-chloinne agus dreuchdan stiùiridh agus aig a bheil dealas airson a bhith a’ gabhail cùram de chloinn ann an àrainneachd Ghàidhlig sa bheilear a’ cur taic ri math agus adhartas na cloinne.
Bidh e an urra ris an neach a gheibh an obair an t-seirbheis a ruith bho latha gu latha, agus nì iad cinnteach gu bheil ìrean àrda gan coileanadh a thaobh cùram, riaghailtean is laghan agus stiùireadh na h-obrach, agus bidh iad cuideachd a’ brosnachadh deagh dhàimh ri clann, teaghlaichean, luchd-obrach agus buidhnean com-pàirteach.
Ma tha thu am beachd cur a-staigh airson na dreuchd seo, bu chòir teisteanas SVQ3 Seirbheisean Sòisealta (Clann is Daoine Òga) aig ìre SCQF 7, no HNC Obair le Clann, no teisteanas ionann ri sin a bhith agad, agus bu chòir teisteanas stiùiridh freagarrach a bhith agad mar a dh’fheumar fo riaghailtean SSSC no feumaidh tu a bhith deònach obair gus leithid a theisteanas a thoirt a-mach.
- Tha sinn a’ tabhann chothroman trèanaidh is sgeama peinnsein
- Ma thèid d’ fhastadh, bidh agad ri pàirt a ghabhail san sgeama PVG
Cuir fios gu Gill Morgan airson tuilleadh fiosrachaidh. Seòladh puist-d:
Gus cur a-staigh airson na dreuchd, faodaidh tu foirm-iarrtais a chur gu:
Tuairisgeul Obrach (PDF)
Foirm Iarrtais (PDF)
Foirm Iarrtais (Doc)
Foirm Co-ionannachd (Doc)
TEICNEÒLAICHE TF
Tuarastal: £27,220 – £30,745
Cùmhnant: Maireannach, Làn-ùine
Tha sinn a’ fastadh airson dreuchd Teicneòlaiche TF mar phàirt de Roinn Teicneòlas Fiosrachaidh is Conaltraidh stèidhichte air àrainn na Colaiste ann an Slèite. Tha an dreuchd seo riatanach ann a bhith a’ toirt taic do bhun-structar didseatach na Colaiste, agus obraichidh an tagraiche soirbheachail gu dlùth leis an Sgioba TFC agus luchd-obrach an t-Sabhail san fharsaingeachd gus dèanamh cinnteach à obrachadh teicneòlais rèidh agus èifeachdach.
Na tha sinn a’ sireadh
Tha sinn a’ sireadh cuideigin aig a bheil:
- Ùidh mhòr ann an TFC agus deònach ionnsachadh.
- Na chluicheadair sgioba le sgilean eadar-phearsanta sàr-mhath.
- Comasach air conaltradh gu h-èifeachdach agus obrachadh le misneachd ann an àrainneachd Gàidhlig.
Sgilean as fheàrr (chan eil iad uile riatanach)
Tha eòlas no fiosrachadh anns na raointean a leanas ion-mhiannaichte:
- Microsoft 365
- Entra / Intune
- Siostaman obrachaidh Windows agus Apple Mac
- Bathar-cruaidh is lìonrachadh coimpiutair
- AV, fuaim is solais
Mura h-eil na sgilean seo uile agad, na gabh dragh — tha sinn toilichte trèanadh air an obair a thoirt don tagraiche cheart.
Na tha sinn a’ tabhann
- Àrainneachd sgioba taiceil
- Cothroman trèanaidh is leasachaidh
- Cothroman airson leasachadh proifeasanta
- Cothrom a bhith ag obair ann an dreuchd far a bheil a’ Ghàidhlig mar phrìomh chànan conaltraidh
Gus cur a-staigh airson na dreuchd, faodaidh tu foirm-iarrtais a chur gu: ro 5f, Dimàirt 30 Ògmhios 2026.
Tuairisgeul Obrach (PDF)
Foirm Iarrtais (PDF)
Foirm Iarrtais (Doc)
Foirm Co-ionannachd (Doc)
CÒCAIRE
Tuarastal: £27,220 – £28,983
Uairean: 35 uairean gach seachdain, ag obair 5 latha a-mach à 7
Tha Sabhal Mòr Ostaig a’ sireadh Còcaire a bhios ag obair mar phàirt dhe ar sgioba aoigheachd air àrainn àlainn na Colaiste san Eilean Sgitheanach. Bidh thu ag obair còmhla ris a’ Phrìomh Chòcaire gus cuideachadh le bhith ag ullachadh biadh sàr mhath agus làn mathais do dh’oileanaich, luchd-obrach agus aoighean. Bidh thu cuideachd a’ cumail ri ìrean-obrach àrda a thaobh a bhith ag ullachadh biadh, slàinteachas agus sheirbheisean.
Tha sinn a’ sireadh neach le eòlas air a bhith ag obair ann an cidsin trang, aig a bheil tuigse mhath air sàbhailteachd bìdh agus mar a chumar rian air cùisean a thaobh aileirgidhean, agus as urrainn a bhith ag obair gu h-èifeachdach mar phàirt de sgioba. Tha e riatanach gum bi teisteanas còcaireachd proifeiseanta agad no eòlas a tha ionann ri sin.
Tha sinne a’ tabhainn: àite-obrach taiceil a tha mar phàirt de choimhearsnachd, cothroman trèanaidh is leasachaidh, 35 làithean de dh’fhòrladh bliadhnail (a’ gabhail a-steach làithean-saora poblach), biadh nuair a tha sibh ag obair, ballrachd ann an sgeama peinnsein agus cothrom a bhith ag obair ann an àite sònraichte san Eilean Sgitheanach.
Gus cur a-staigh airson na dreuchd, faodaidh tu foirm-iarrtais a chur gu: ro 5f, Diluain 06 Iuchar 2026.
Tuairisgeul Obrach (PDF)
Foirm Iarrtais (PDF)
Foirm Iarrtais (Doc)
Foirm Co-ionannachd (Doc)
Cothrom a bhith ag Obair le Teicneòlas:
NUADH-PHREANTASACHD TFC
Tuarastal: £25,800 – £27,220
Uairean: 35 uairean gach seachdain, ag obair 5 latha a-mach à 7
A’ Tòiseachadh: Lùnastal 2026
’S dòcha gu bheil thu dìreach air an sgoil fhàgail, no a’ lorg dreuchd no dùbhlan ùr, ma-thà, seo cothrom dhut gus dreuchd a thoirt a-mach far am bi thu ag obair le Teicneòlas Fiosrachaidh is Conaltraidh (TFC) agus a’ faighinn eòlas practaigeach fhad ’s a bhios tu ag ionnsachadh. Tha sinn a’ sireadh neach feòrachail, dealasach agus aig a bheil ùidh ann agus eòlas air teicneòlas airson a bhith ag obair nar Sgioba Bun-structair TFC aig Sabhal Mòr Ostaig.
Chan e obair a tha seo far am bi thu dìreach “a’ càradh a’ chlò-bhualadair” (ged a bhios sinn a’ dèanamh sin am measg iomadh nì eile!). Seo cothrom air leth gus taic a thoirt do dh’obair ionad foghlaim agus dhan teicneòlas a tha mar phàirt riatanach dhe, agus bidh thu a’ cuideachadh le iomadh rud eadar tèarainteachd dhidseatach, lìonraidhean ‘neòil’ agus a’ toirt taic dha na h-oileanaich.
An Cùmhnant
- Dreuchd: Nuadh-phreantas TFC
- Àite-obrach: Sabhal Mor Ostaig
- Na Buannachdan: A’ cosnadh tuarastal math fhad ’s a tha thu a’ faighinn teisteanas nàiseanta aithnichte – cha bhi iasadan oileanaich sam bith ann.
Na bhios tu a’ dèanamh
Ag obair ann an sgioba beag, càirdeil far am bithear a’ cur sùim san obair a nì thu. Nì thu na leanas:
- A’ Cuideachadh le Bathar-cruaidh: A’ faighinn fuasgladh air trioblaidean lìonra, a’ togail laptops, agus ag obair le teicneòlas teagaisg.
- Taic TF: Bidh thu ann mar neach-obrach càirdeil a bheir taic do luchd-obrach agus oileanaich le bhith a’ faighinn fuasgladh air duilgheadasan teicnigeach.
- Bunaitean an Lìonra: Ag ionnsachadh mu mar a chumas tu rian air an Wi-Fi, frithealaichean, agus modhan-tèarainteachd.
- A’ Cur Bathar-bog an Sàs: Gar cuideachadh le bhith a’ cur nan goireasan as ùire an sàs gus dèanamh cinnteach gun tèid obair na colaiste air adhart mar a bu chòir.
A bheil seo fìor mu do dheidhinn-sa?
Chan eil sinn an dùil gum bi nad Àrd-ailtire air a’ chiad latha, ach tha sinn a’ sireadh:
- Neach a tha math air fuasglaidhean a lorg: ’S tusa an neach bhom bi caraidean ag iarraidh taic le teicneòlas.
- Neach a tha math le daoine: ’S urrainn dhut mìneachadh do chuideigin dè tha “tha an t-eadar-lìon dheth” a’ ciallachadh gun a bhith a’ cleachdadh cus cainnt theicnigeach.
- Neach a tha math air ionnsachadh: Tha ùidh mhòr agad ann a bhith ag ionnsachadh mu mar a tha rudan ag obair.
- Neach le teisteanasan aig ìre fhreagarrach: Co-dhiù aig ìre Nàiseanta 5/GCSE (a’ gabhail a-steach Gàidhlig agus Matamataig/Coimpiutaireachd).
Carson a bhiodh tu airson a bhith ag obair còmhla rinn?
’S e àite sònraichte a th’ ann an Sabhal Mòr Ostaig airson a bhith ag obair. Cuiridh tu eòlas air a h-uile duine, bidh daoine deònach èisteachd ris na beachan-smuain agad, agus bidh comhairliche-dreuchdail agad fhèin a nì cinnteach chan e a-mhàin gun soirbhich leat sa phreantasachd, ach gun coilean thu ìrean fìor àrda nad obair.
Deiseil airson iarrtas a chur a-staigh?
Cuir an CV agad agus brath goirid mun phìos teicneòlais as inntinniche no as fheumail a chleachd thu riamh gu
Ceann-latha airson Iarrtasan: Dihaoine 24 Iuchar 2026
Tuairisgeul Obrach (PDF)
NEACH-TAICE CIDSIN
Uairean: 21 uairean a thìde san t-seachdain
Tuarastal: £24, 479 (Pro-rata)
Tha Sabhal Mòr Ostaig, Ionad Nàiseanta Cànan is Cultar na Gàidhlig a tha san Eilean Sgitheanach, a’ sireadh Neach-taice Cidsin gus obair ann an sgioba a’ chidsin againn.
Prìomh dhleastanasan
- A’ nighe shoithichean, acainn agus uidheamachd a’ chidsin
- A’ cumail a’ chidsin, agus àiteachan airson biadh ullachadh is a stòradh, glan agus sgiobalta
- A’ cuideachadh le bhith ag ullachadh cuid a bhiadh
- A’ toirt taic dha na còcairean agus luchd-obrach a’ chidsin aig amannan trang
- A’ cur gach modh-obrach an sàs a thaobh slàinteachas bìdh, agus slàinte is sàbhailteachd
Na tha sinne a’ tabhainn
- Cothroman trèanaidh is leasachaidh
- Cothrom gus eòlas fhaighinn air obair cidsin agus solarachadh bìdh
- Biadh nuair a bhios tu ag obair
- Làithean-saora matha agus cosnadh fad na bliadhna
Chan fheum eòlas a bhith agad air an t-seòrsa obrach seo oir gheibh thu trèanadh. Nan còrdadh e riut barrachd fios fhaighinn mun obair seo, feuch gun cuir thu fios thugainn. Faodaidh tu fònadh thugainn air 01471 888000 no faodaidh tu post-d a chur gu km.smo.uhi.ac.uk airson tuilleadh fiosrachaidh. Cuideachd, faodaidh tu tadhal air an làrach-lìn againn gus tuilleadh fiosrachaidh fhaighinn mu Shabhal Mòr Ostaig.
Gus cur a-staigh airson na dreuchd, faodaidh tu foirm-iarrtais a chur gu:
Foirm Iarrtais (PDF)
Foirm Iarrtais (Doc)
Foirm Co-ionannachd (Doc)
BUILL BÒRD STIÙIRIDH AN T-SABHAIL
Tha Sabhal Mòr Ostaig, Ionad Nàiseanta Cànan is Cultar na Gàidhlig, a’ sireadh bhall ùra airson ar Bòrd Stiùiridh.
Seo cothrom air leth gus cuideachadh le riaghladh na Colaiste, agus bidh sibh ag obair còmhla ri Buill a’ Bhùird, luchd-obrach agus oileanaich gus cànan agus cultar na Gàidhlig a chur air adhart. Le Achd nan Cànan Albannach 2025, chunnacas clach-mhìle chudromach san iomairt gus tuilleadh aithne is taice a thoirt dhan Ghàidhlig agus mar sin tha cothrom agaibh a bhith ag obair còmhla rinn aig Sabhal Mòr Ostaig aig àm fìor dhòchasach dhan chànan.
’S e dreuchd shaor-thoileach a tha seo, far am faigh sibh cothrom sònraichte gus cuideachadh le amasan is lèirsinn na Colaiste, riaghladh na Colaiste, ar ro-innleachd ionmhasail agus le bhith a’ dèanamh cinnteach gun toir ar n-obair buaidh air cànan, foghlam is cultar na Gàidhlig thar na h-ùine fada.
Thathar a’ cur fàilte air iarrtasan bho thagraichean bho gach raon is roinn, agus thathar gu sònraichte a’ sireadh iarrtasan bho dhaoine aig a bheil eòlas air Foghlam Àrd-ìre, conaltradh ro-innleachdail no co-chonaltradh is cùisean poilitigeach.
Thèid coinneamhan a’ Bhùird a chumail ann an Gàidhlig, mar sin feumaidh sibh a bhith fileanta sa chànan. Chan fheum eòlas a bhith agaibh air mar a bhios Bùird Stiùiridh ag obair, oir gheibh sibh taic le sin ma bhios sibh feumach air.
Ma tha a’ Ghàidhlig cudromach dhuibh agus ma tha ùidh agaibh sa chothrom seo, cuiribh fios gu airson tuilleadh fiosrachaidh.
Bu chòir iarrtasan-obrach a chur gu
Tuairisgeul Obrach (PDF)
Foirm Iarrtais (Doc)
Brath Prìobhaideachd – Buill a Bhùird
Foirm Co-ionannachd (Doc)
LUCHD-TAIC SGIOBA GHLANAIDH
Làn-ùine / Pàirt-ùine
Tuarastal: £22,932 pro rata
Thig a dh’obair mar phàirt den sgioba de luchd-taic aoigheachd againn aig Sabhal Mòr Ostaig. Tha dreuchdan bàn againn an-dràsta airson Luchd-taic Sgioba Ghlanaidh làn-ùine is pàirt-ùine. Tha dleastanasan a’ gabhail a-steach glanadh agus seirbheiseachadh seòmraichean-cadail oileanach/aoigheachd, oifisean, seòmraichean-teagaisg, seòmraichean-cuirm agus raointean poblach agus a bhith a’ deasachadh seòmraichean-coinneimh agus ag ullachadh airson tachartasan taobh a-staigh na Colaiste.
Chan eil feum air eòlas roimhe seo oir bidh Iàn threànadh air a thoirt seachad, cho math ri cothrom Gàidhlig ionnsachadh no a leasachadh. Dh’fhaodadh gum bi àite-fuirich ri fhaighinn.
- Cothroman cosnaidh fad na bliadhna
- Tuarastal farpaiseach
- 35 làithean dheth pàighte sa bhliadhna
- Sgeama peinnsein
- Seòmar eacarsaich
Bu chòir iarrtasan-obrach a chur gu
Foirm Iarrtais (PDF)
Foirm Iarrtais (Doc)
Foirm Co-ionannachd (Doc)