FOGHLAM THIDSEARAN
Tha Foghlam Thidsearan aig Sabhal Mòr Ostaig a’ cur gu mòr ri deasachadh agus cothroman ionnsachaidh do dh’oileanaich aig a bheil ùidh ann an teagasg ann am Foghlam tro Mheadhan na Gàidhlig aig ìre bun-sgoile agus àrd-sgoile, aig ìre fo-cheum (BA (le Urram) Gàidhlig agus Foghlam) agus for-cheum (PGDE – slighe Ghàidhlig). Tha an cùrsa fo-cheum BA (le Urram) Gàidhlig agus Foghlam air a thabhann air fad ann an Gàidhlig, a’ toirt cothrom do dh’oileanaich na sgilean cànain agus na sgilean proifeasanta aca a neartachadh tro mheadhan na Gàidhlig. Tha farsaingeachd de sgilean agus eòlas proifeasanta am measg luchd-obrach air taobh àrd-sgoil agus bun-sgoil a tha a’ cur gu mòr ris na prògraman.
Tha luchd-obrach Foghlam Thidsearan Sabhal Mòr Ostaig cuideachd an sàs gu mòr ann an ionnsachadh proifeasanta do thidsearan agus oileanaich ann am Foghlam tro Mheadhan na Gàidhlig:
- Club Irise – air a lìbhrigeadh le luchd-obrach Sabhal Mòr Ostaig agus proifeiseantaich foghlaim eile, tha Club Irise Sabhal Mòr Ostaig a’ toirt chothroman do luchd-obrach ann am Foghlam Gàidhlig a dhol an sàs ann an taisbeanaidhean agus còmhraidhean proifeasanta air-loidhne le fòcas air foghlam bogaidh agus foghlam dà-chànanach.
- Oideas – am pod-craolaidh ùr anns am bi proifeiseantaich ann am Foghlam tro Mheadhan na Gàidhlig a’ còmhradh mun obair aca.
PGDE Foghlam Bun-sgoile (Gàidhlig)
‘S e teisteanas teagaisg aon-bhliadhna, làn-ùine aig ìre for-cheum ann am foghlam bun-sgoile tro mheadhan na Gàidhlig a th’ anns am PGDE Foghlam Bun-sgoile (Gàidhlig).
PGDE Foghlam Àrd-sgoile (Gàidhlig)
‘S e teisteanas teagaisg aon-bhliadhna, làn-ùine aig ìre for-cheum ann am foghlam àrd-sgoile tro mheadhan na Gàidhlig a th’ anns am PGDE Foghlam Àrd-sgoile (Gàidhlig).
MEd Foghlam Gàidhlig
’S e prògram trì bliadhna de dh’ionnsachadh proifeiseanta a th’ anns a’ Cheum Mhaighstireachd ann am Foghlam (MEd) ann am Foghlam Gàidhlig.
Gàidhlig airson Luchd-Teagaisg 1
‘S e modal bhon an MEd Foghlam Gàidhlig a tha seo a tha ag àrdachadh comas agus misneachd thidsearan sa Ghàidhlig ann an suidheachadh obrach.
BA (le Urram) Gàidhlig agus Foghlam
Tha am BA (le Urram) Gàidhlig agus Foghlam air a theagasg tro mheadhan na Gàidhlig agus tha cuideam air dian-theagasg agus modhan-teagaisg dà-chànanais ann an
