DipHE Gàidhlig is Cuspairean Co-cheangailte
DUAIS: Dioplòma Foghlam Àrd-ìreDÒIGHEAN IONNSACHAIDH: Air Astar,Pàirt-ùine
DÈ CHO FADA:
CÒD:
NEACH-STIÙIRIDH: An t-Oll. Meg Bateman
CUIR FIOS: Eilidh Ghrannd ( )
MÌNEACHADH
Tha an DipHE Gàidhlig is Cuspairean Co-cheangailte aig SCQF 8 agus a’ freagradh do dh’Ìre 2 den cheum BA air taobh a-staigh na Colaiste. ‘S urrainn do dh’oileanaich modalan bho phrògram a’ cheum ‘Cànan is Cultar na Gàidhlig’ no ‘Gàidhlig is Leasachadh’.
SUSBAINT
Tha sia modalan ri dhèanamh anns an dàrna bliadhna air an dèanamh suas le modalan riatanach (Riatasan an Sgeama, a bhios a’ ruith aig gach ìre tro gach prògram an cumantas) agus modalan spèisealta. Bidh fear de na sia modalan na Mhodal Roghainneil i.e. modal a thèid a thaghadh aon chuid bhon cheum a tha ga dhèanamh, bho cheum eile san Sgeama no, le cead Stiùiriche a’ Phrògraim, bho cheum eile aig OGE, cho fad ‘s a bhios am modal ri fhaighinn ann an cruth astair. (Thoir an aire gun tèid modalan bho cheumannan bho thaobh a-muigh na Sgeama a lìbhrigeadh tro mheadhan na Beurla.) Gus an DipHE Gàidhlig is Cuspairean Co-cheangailte a thoirt a-mach, bidh oileanaich a’ taghadh dà mhodal bho Bhoillsgean an Sgeama, trì modalan bho aon chuid Cànan is Cultar no Gàidhlig is Leasachadh agus aon mhodal Roghainneil. Tha goireasan ionnsachaidh airson mhodalan a thèid a theagasg air astar air an cur ri chèile agus rim faighinn air Brightspace (an àrainn foghlaim mas-fhìor aig OGE). Gheibh oileanaich cead agus cothrom air an stuth air Brightspace an dèidh dhaibh clàradh. Mar as trice, bidh dà chlas air-loidhne ann gach seachdain mu choinneimh gach modail ‘s uairean rin dearbhadh. Gheibh oileanaich liosta de chlasaichean, mheasaidhean agus stuthan ionnsachaidh aig toiseach gach semeastair.
| Riatasan an Sgeama | Riatasan Prògraim | Modal Roghainneil |
|---|---|---|
|
3 modalan à: Gàidhlig is Leasachadh NO Cànan is Cultar |
no modal air astar eile aig SCQF 7,8 no 9 |
| Dà mhodal | Trì modalan | Aon mhodal |
Modalan nam Prògraman
| Gàidhlig is Leasachadh | Cànan is Cultar |
|
|
FEUMALACHDAN INNTRIGIDH
Ma shoirbhicheas le oileanaich aig Ìre 1 (SCQF 7) den sgeama Gàidhlig is Cuspairean Co-cheangailte, bidh aca ri tighinn suas ris na feumalachdan adhartais mus tèid iad bho Ìre 1 gu Ìre 2:
a. Feumaidh oileanaich air a’ Chùrsa Adhartais 50% aig a’ char as lugha fhaighinn sna modalan cànain CA5-CA6
b. Feumaidh oileanaich air a’ Chùrsa Chomais 50% aig a’ char as lugha fhaighinn sna modalan cànain ‘Comas Conaltraidh B’ agus ‘Cànan Foirmeil is Dreuchdail’
c. Feumaidh oileanaich air Gàidhlig agus Conaltradh 50% aig a’ char as lugha fhaighinn sna modalan cànain Gàidhlig is Conaltradh: ‘Còmhradh’ agus ‘Gàidhlig is Conaltradh: Sgrìobhadh’
d. Gheibh tagraichean airidh eile a-steach air roghainn an ionaid, ma thèid am breithneachadh gu bheil iad comasach air amasan Ìre 2 a choileanadh agus slatan-tomhais an DipHE Gàidhlig is Cuspairean Co-cheangailte a ruigsinn, agus cuideachd gu bheil iad comasach air a’ Ghàidhlig a chur an cleachdadh aig an ìre inntrigidh cheart.