Co-labhairt òrain eadar-nàiseanta san Eilean Sgitheanach a’ cur furan air dualchas ceòl na h-Alba
Thàinig eòlaichean, luchd-ciùil is seinneadairean às iomadh ceàrn a dh’Alba cruinn còmhla aig Sabhal Mòr Ostaig san Eilean Sgitheanach an t-seachdain sa airson dualchas àraid òrain na Gàidhlig is na Beurla Gallda a rannsachadh.
Bha còrr is 70 neach a’ frithealadh na co-labhairt, Òran 2010 Sang, fad trì làithean, a chuir Sabhal Mòr Ostaig agus Acadamaidh Rìoghail na h-Alba airson Ceòl is Dràma (RSAMD) air dòigh agus chualas òraidean bho shàr eòlaichean a leithid Dr Mairead Bennett, an neach-ciùil is craolaidh, Màiri Anna NicUalraig agus Dr Fred Freedman, eòlaiche air òrain Raibeirt Burns.
B’ e an sgrìobhaiche is eòlaiche ciùil, Dr Iain Mac an Sporain, a thug a’ chiad òraid seachad air an dàimh eadar ceòl na Gàidhlig is na Beurla Gallda agus air an iomlaid eadar an dà fhreumh seo de dhualchas ceòl na h-Alba. Chuala muinntir na co-labhairt na h-òraidean aig na h-eòlaichean eadar-nàiseanta, Dr Ruth Perry à Institiùd Teicneòlais Mhassachusetts agus Aindrias Hiort à Oilthigh Otago, Sealainn Nuadh.
Thug Dr Thomas McKean à Oilthigh Obar Dheathain òraid seachad air dreach macaronach den tàladh a chlàraich Murchadh MacRath às a’ Chaol, Loch Aillse airson an neach-cruinneachaidh òran, James Madison Carpenter à Ameireagaidh an 1931.
Bha a’ cho-labhairt na deagh shamhla air an dàimh eadar Sabhal Mòr Ostaig agus an RSAMD airson taic is leasachadh a chumail ri ealain is cultar na Gàidhlig an Alba. Thuirt am Proifeasair Boyd Robasdan, Prionnsabail an t-Sabhail Mhòir:’Tha òrain is ceòl na Gàidhlig air a bhith air cridhe obair na Colaiste on a chaidh a stèidheachadh agus tha e na thlachd mhòr gum b’ urrainn dhuinn fhèin is ar caraidean aig an RSAMD a’ cho-labhairt seo a chur air chois.
‘Tha e mar ghealladh oirnn gun solaraich sinn barrachd chothroman anns na h-ealain tro mheadhan na Gàidhlig agus gum brosnaich sinn an cànan is an cultar gu h-eadar-nàiseanta. Nì sinn fiughair ri toraidhean na co-labhairt fhaicinn agus ris a’ bharrachd com-pàirteachais leis an RSAMD.’
Thuirt am Proifeasair John Wallace, Prionnsabail an RSAMD: ‘It is a pleasure to be here in Skye to listen to such distinguished speakers discuss the wealth of Scotland’s musical heritage. Sabhal Mòr Ostaig and the RSAMD is more than a partnership, it’s a marriage made in heaven, and through the twin mediums of Gaelic and Scots we will help propel Scotland to an ever higher position on the world’s cultural stage.’
Thuirt Andrew Dixon, Ceannard Alba Cruthachail, a choinnich ri muinntir na co-labhairt:
‘Creative Scotland will be a rallying call for the cultural strengths of the whole of Scotland. Traditional arts is a key sector and is central to Scotland’s international reputation. The work at Sabhal Mòr Ostaig is building a strong base for contemporary Gaelic culture.’