Ma dh’fheumas tu àite-fuirich, ‘s urrainnear seo a chur ris a’ bhasgaid às dèidh iarrtas-cùrsa a dhèanamh. Faic an seo airson barrachd fiosrachaidh.

Seachdain Cho-cheòltairean le Hamish Napier is Michael Biggins

Bheir an t-seachdain fa leth seo le Hamish Napier is Micheal Biggins seachad sealladh air dòighean-obrach a bhios luchd-ciùil traidiseanta ‘s proifeiseanta a’ cur gu feum gus puirt is fuinn a rianachadh. Ionnsaichidh tu caochladh mhodhan-rian air an lìbhrigeadh le dòighean eadar-obrachail ‘s dèantanach. Chaidh an cùrsa seo a leasachadh airson ionnsramaidean-ciùil traidiseanta, ach ma bhios ceist sam bith agad air co-fhreagarrachd ionnsramaidean eile, leig fios thugainn.

Gu mì-fhortanach, cha bhi an cùrsa seo freagarrach gu fìor luchd-tòiseachaidh idir: feumar comas eadar-mheadhanach no nas àirde a bhith agad. Ma tha thu nad chluicheadair chlasaigeach gun eòlas air ceòl thraidiseanta, mholamaid gum bu chòir dhut a bhith aig ìre adhartach gus am faigh thu buannachd às. A-rithist, leig fios thugainn ma bhios ceist sam bith agad.

Cleachdaidh an cùrsa seo an dà chuid ionnsachadh air chluais agus leughadh ciùil. Mura h-eil comas ciùil-leughaidh agad, gheibh thu brosnachadh ceum no dhà a leughadh airson an sgil seo a leasachadh, ach chan eilear an dùil gum feumar dad a leughadh sa bhad. Faodaidh oileanaich fuinn ‘s rianan a chlàradh.

‘S e amas a’ chùrsa sgilean ciùil air fad a leasachadh.

Mu Mhichael

Tha Michael na chluicheadair de dh’iomadh ionnsramaid às a’ Chaisteal Nuadh bho thùs ach a’ fuireach ann an Glaschu a-nis. Tha e an-dràsta a’ cluich agus a’ dol air chuairt còmhla ri TRIP, The Canny Band, Tom McConville, Northern Company agus Irish Celtic – Spirit of Ireland Dance Show. Chaidh Michael ainmeachadh mar Neach-ciùil Òg Traidiseanta na Bliadhna aig BBC Radio Scotland airson 2021.

Cheumnaich Michael o chionn ghoirid bho Chonservatoire Rìoghail na h-Alba ann an Glaschu fo oideachadh an Ollaimh Sinae Lee air a’ phiàno. Ron a sin, chaidh e gu Sgoil Chiùil Chetham ann am Manchester far an deach oideachadh le Graham Caskie. Rinn Michael sgrùdadh cuideachd leis na cluicheadairean pìano cliùiteach Eileen Bown agus Jean Armstrong a tha stèidhichte sa Chaisteal Nuadh.

A bharrachd air a bhith cluich, bidh Michael cuideachd a’ teagasg piàno, bogsa agus teòiridh ciùil agus tha e air a bhith a’ dèanamh sin airson grunn bhliadhnaichean. Tha 100% de na sgoilearan aige air a bhith soirbheachail sna deuchainnean aca gu ruige seo.

Mu Hamish

‘S e oide, sgrìobhaiche-ciùil agus ceòladair traidiseanta a th’ ann an Hamish, a bhios a’ seinn, a’ cluich na duiseil ‘s a’ phiàno, air a bhrosnachadh leis an nàdar ‘s dualchas a dhachaigh ann an Strath Spè. Dh’fhuirich e 17 bliadhna anns na h-àrainneachdan beòthail ‘s ioma-sheòrsa ann an Glaschu ‘s Boston. Nuair a thill e dhachaigh o chionn còig bliadhnaichean, thòisich e air “Strathspey Pentalogy”, pròiseact àrd-amasach thairis air deich bhliadhna airson còig clàraidhean ùra a chruthachadh a chaidh a bhrosnachadh le cruth na tìre: Fhuair The River (2016) and The Railway (2018) còig rionnagan ann am pàipearan-naidheachd nàiseanta, agus bhuannaich The Woods (2020) duais “Album of the Year” aig Duaisean Na Trads.

Clàr-ama na seachdaine:

Diluain, Dimàirt agus Diardaoin: 09:30 – 16:30
Diciadain: 09:30 – 15:00 (deiseil tràth)
Dihaoine: 10:00 – 12:30