An Dr Fañch Bihan-Gallic, Sabhal Mòr Ostaig

Bidh an seiminear seo cuideachd beò air-loidhne. Clàraich gu h-ìosal is thèid ceangal a chur thugad air latha an t-seimineir. 

Tha Seanchas na Fèinne air a bhith an teis meadhan beul-aithris nan Gàidheal o linn Oisein, agus chaidh iomadach sgrùdadh a dhèanamh mun cuairt air litreachas, sgeulachdan, agus eachdraidh na Fèinne rè nan linntean.

Tha an seanchas a tha sin air buaidh a thoirt fiù ‘s air a’ chànan fhèin agus a chuid bhriathrachais. ‘S ann air a’ bhuaidh a tha seo a bheir sinn an aire ann a sheo, agus sinn a’ cnuasachadh air gu dè a their na seanfhacail is abairtean fèinnidheach a thàinig thugainn dhuinn.