An t-Oll. Brendan Kane (Oilthigh Connecticut / Oilthigh Dùn Èideann)
Teagasg, ionnsachadh agus rannsachadh na Gàidhlig Tràth Nuadh-aimsireil ann an aois dhidseataich: Léamh.org agus dòigh-chleachdaidh nan daonnachdan didseatach com-pàirteachail
Diciadain 05 Samhain 2025 | 13:00
Seòmar Shomhairle, Sabhal Mòr Ostaig
Bidh an seiminear seo cuideachd beò air-loidhne. Clàraich gu h-ìosal is thèid ceangal a chur thugad air latha an t-seimineir.
Bidh an òraid seo a’ beachdachadh air oidhirp leantainneach, cho-obrachail gus taic a thoirt do dhaoine aig a bheil ùidh ann a bhith ag ionnsachadh is a’ rannsachadh Gàidhlig Thràth Nuadh-aimsireil agus Chlasaigeach (c. 1200–1650). Bidh fòcas air Léamh.org, pròiseact an-asgaidh agus ruigsinneach don phoball air an eadar-lìon a bheir cothrom air gràmar bunaiteach, taghaidhean de theacsaichean le eadar-theangachadh is mion-sgrùdadh, beag-fhaclair sònraichte airson Gàidhlig Thràth Nuadh-aimsireil, agus bun-fhiosrachadh is ceisteachan air pailleon-sgrìobhadh. Thèid beachdachadh cuideachd air feartan a tha fhathast gan leasachadh, gu sònraichte “geama” airson gràmar ionnsachadh. Thèid oidhirp a dhèanamh cuideachd gus eòlasan, ro-innleachdan, agus dùbhlain a cho-roinn a tha air nochdadh fhad ’s a tha am pròiseact co-obrachail seo air a bhith a’ dol agus sinn ag obair gus a chumail suas agus a leasachadh thar ùine.
