Cùram-cloinne

Tha ionad cùraim-cloinne air a bheil Fàs Mòr suidhichte ann am Bun-sgoil Shlèite, dìreach còig mionaidean shìos an rathaid bho làraich Shabhal Mòr Ostaig.

‘S e goireas sònraichte, cofhurtail a tha ann, far am faigh clann cùram ann an àrainneachd shàbhailte, bheothail, agus mas e pàrant a th’ annad, faodaidh tu a bhith toilichte an t-seirbheis seo a chleachdadh fhad ‘s a tha thu fhèin san t-seòmar-teagaisg.

Tha Fàs Mòr na chom-pàirteachas eadar Sabhal Mòr Ostaig agus a’ choimhearsnachd ionadail, agus ‘s ann tro mheadhan na Gàidhlig a thèid cùram-cloinne a thabhann. Tha cùram fad an latha ri fhaighinn do chloinn suas gu trì bliadhna a dh’aois; faodaidh clann aois trì is ceithir Fàs Mòr a fhrithealadh ron sgoil-àraich ‘s às a dèidh; agus thèid cùram a thabhann às dèidh na sgoile agus club shaor-làithean do chloinn suas gu aois 12.

Ma bhios tu ag iarraidh cuideachadh le cosgaisean, gur dòcha gum bi creideasan cìse ri fhaotainn, air neo bho thabhartas fo ùghdarras no comataidh sgoilearachd Shabhal Mòr Ostaig.

Airson barrachd fiosrachaidh, thoir sùil air làraich-lìn Fàs Mòr, sgrìobh gu air neo gu cuir fòn gu 07500 577508.