Fiosrachadh airson Luchd-ceuma Sabhal Mòr Ostaig
Dihaoine 04 Dàmhair aig 6.00f
Cò a bhios a’ ceumnachadh?
- Oileanaich a tha air crìoch a chur air cùrsa ceuma, no cùrsa eile leithid Dioplòma no Teisteanas, agus nach eil a’ dol air adhart chun na h-ath ìre.
- Oileanaich a tha air crìoch a chur air ìre shònraichte agus aig nach eil planaichean tilleadh chun na h-ath ìre, airson greis.
Cò nach bi a’ ceumnachadh?
Ma tha oileanaich air crìoch a chur air ìre shònraichte agus gu bheil iad airson modal no dha a dhèanamh, aig an ath ìre, cha bhi iad a’ ceumnachadh.
Ma tha oileanaich air crìoch a chur air ìre shonraichte agus gu bheil iad air innse dhuinn gun till iad, chun na h- ath ìre, an ceann bliadhna, cha bhi iad a’ ceumnachadh. .
Cosgaisean
Chan eil cosgais sam bith ga chur air oileanaich a’ ceumnachadh airson a bhith an làthair ach bidh aca ri gùn ceumnachaidh a chur air dòigh agus pàigheadh air a shon.
Bu chòir dhut gùn a ghlèidheadh tron làrach-lìn seo: www.edeandravenscroft.com No, faodaidh sibh fòn a chur thuca air 01223 861854 Diluain gu Dihaoine bho 9m–5f.
Aoighean
Faodaidh luchd-ceuma suas ri triùir aoigh a thoirt leotha aig cosgais £38 gach aoigh.
Clàradh airson na Ceumnachd – Gheibh sibh litir le fios mu dheidhinn an làrach-lìn a bhios sinn a’ cleachdadh airson na Ceumnachd.
Eadar-theangachadh
Bidh seirbheis eadar-theangachaidh againn airson na ceumnachd agus tha sinn an-dràsta ag iarraidh dèanamh cinnteach gum bi innealan eadar-theangachaidh gu leòr againn airson aoighean a tha a’ cur feum air a sin. Ma tha aoighean agaibh a’ cur feum air inneal eadar-theangachaidh, nach cuir sibh fios thugainn agus nì sinn ar dìcheall airson sin a chur air dòigh dhuibh.
Teisteanasan
Chan eil teisteanasan air an toirt seachad aig a’ Cheumnachd idir – gheibh luchd-ceuma fios bho SRO le foirm ri lìonadh a-steach airson an teisteanas aca fhaighinn.
Prògram
- 4.30f – 5.30f: Togail Gùn:
- 4.30f – 5.45f: Cothrom Dealbhan fhaighinn, Seòmar Eige
- 6.00f: An t-Seirbheis Cheumnachaidh, Talla Dhonaidh Chaimbeul.
- 7.30f: Dealbhan buidhne
- 8.00f: Biadh: Bidh biadh bufaidh anns an t-seòmar-bìdh shìos an staidhre.
- 9.30f: Cèilidh is Dannsa san Talla Mhòr aig Àrainn Ostaig