Iarrtas Dàta Pearsanta
A rèir chumhaichean Achd Dìon Dàta 2018, tha còir aig a h-uile duine, luchd-obrach, oileanaich is luchd-cleachdaidh Shabhal Mòr Ostaig nam measg, air dàta pearsanta fhaighinn mun dheidhinn fhèin aig Sabhal Mòr Ostaig. ’S e iarrtas dàta pearsanta a theirear ris a’ chòir seo.
Ma tha neach sam bith ag iarraidh a’ chòir seo a chur an sàs bu chòir am foirm iarrtais seo airson cothrom air susbaint eileagtronaigeach a lìonadh.
Tha Sabhal Mòr Ostaig a’ gleidheadh còir prìobhaideachd is cruinneis neach sam bith agus cothrom aca air an dàta phearsanta aca fhèin far a bheil sin iomchaidh. Tha Sabhal Mòr Ostaig mar sin ag amas air coileanadh iarrtasan dàta pearsanta cho luath is a ghabhas.
Is dòcha gu bheil Sabhal Mòr Ostaig a’ cumail chlàraidhean pearsanta ann an àiteachan eadar-dhealaichte. Nach cuir thu thugainn am fiosrachadh a leanas gus an lìbhrig sinn an t-iarrtas agad cho luath ’s a ghabhas?
Bidh dearbhadh aithne a dhìth mus tèid an t-iarrtas air adhart. Cuiridh sinn fios thugad airson bruidhinn air an dòigh as iomchaidh air seo a chur air dòigh.
Thèid dèiligeadh leis an fhiosrachadh a thathar a’ cruinneachadh mar a tha air a mhìneachadh anns an rabhadh prìobhaideachd seo.
Nuair a gheibhear iarrtas dàta pearsanta nithear a h-uile oidhirp airson gèilleadh ris gu tur taobh a-staigh 28 làithean. Gheibh thu a h-uile pìos fiosrachaidh a tha sinn air lorg is a dh’fhaodas sinn sgaoileadh taobh a-staigh 28 làithean agus mìneachadh airson fiosrachadh sam bith nach urrainnear a thoirt seachad aig an àm.
Cha bhi Sabhal Mòr Ostaig, mar as àbhaist agus a rèir DPA, a’ sgaoileadh fiosrachadh mu neach às aonais cead bhuapa. Mar sin, ma tha fiosrachadh mud dheidhinn ann anns a bheil fiosrachadh mu neach/buidheann eile, nì Sabhal Mòr Ostaig a dhìcheall gus ainm sam bith san fhiosrachadh a dhubhadh às. Mura bi seo comasach agus mur urrainn do Shabhal Mòr Ostaig an cead iomchaidh fhaighinn, is math dh’fhaodte gun tig sinn don cho-dhùnadh nach sgaoil sinn am fiosrachadh.
Bu chòir a h-uile ceist a chur anns a’ chiad dol a-mach gu Rianaire Dìon Dàta Shabhal Mòr Ostaig aig
Nach freagair thu na ceistean a leanas?