Ceathramh seisean beò aig Phrìomh Fo-Ionad Foghlam Gàidhlig leis an Dr. Sarah NicGuaire
Bidh an ceathramh seisean beò againn sa Phrìomh Fo-Ionad Foghlam Gàidhlig mar phàirt den Ionad Sàr-mhathais ann an Teagasg na chothrom èisteachd ris an Dr. Sarah NicGuaire, eòlaiche ann an saidhc-eòlas foghlaim aig Oilthigh Manchester. Tha i an sàs le rannsachadh mu in-ghabhaltas agus cothromas ann am foghlam, le fòcas air cothroman ionnsachaidh agus goireasan do luchd-ionnsachaidh mion-chànain.
Le poileasaidh foghlam na h-Alba, gheibh sgoilearan ann am foghlam tro mheadhan na Gàidhlig trì cànain – Gàidhlig, Beurla agus nuadh-chànan eile. Ged a tha am poileasaidh adhartach, tha beàrn air leth cudromach ann far nach eil innleachdan measaidh iomchaidh ri fhaotainn don Ghàidhlig a dh’aithnicheas feumalachdan cainnt an luchd-ionnsachaidh.
Nì an taisbeanadh seo sgrùdadh air cuingealachaidhean measaidh, nì e co-chur air an rannsachadh a tha ri fhaotainn, agus nì e argamaid gu bheil leasachadh innealan breithneachaidh làidir, sònraichte don Ghàidhlig na chùis cothromas foghlaim a dh’fheumas leasachadh sa bhad gus dèanamh cinnteach gum faigh gach neach-ionnsachaidh dà-chànanach aithneachadh agus taic iomchaidh.
Thèid an seisean a lìbhrigeadh sa Bheurla.
Tha na tachartasan seo air an cur air dòigh airson proifeiseantaich a tha ag obair ann am foghlam ann an Alba. Nuair a bhios tu a’ clàradh, cleachd seòladh puist-d sgoile, ùghdarrais ionadail no Glow, no seòladh puist-d proifeiseanta eile ceangailte ris an dreuchd agad. Mur eil dòigh agad air sin a dhèanamh, cuir fios thugainn aig agus thèid againn àite a ghlèidheadh dhut.
