Blasad na Breatnaise le Fañch Bihan-Gallic – Air loidhne: A’ Tòiseachadh 20 Dàmhair 2026

Thèid na clasaichean seo a theagasg gach Dimàirt eadar 19:00 agus 20:30 (seachd seachdainean).

Geàrr-chunntas

’S e cànan Ceilteach a tha gu sònraichte càirdeach don Chuimris agus don Chòrnais a tha sa Bhreatnais, agus a tha ga bruidhinn ann an ceann an iar na Breatainne Bige fhathast an-diugh. Anns a’ chùrsa ghoirid a tha seo gheobh sibh blasad den Bhreatnais agus de dhualchas nam Breatnach thairis air seachd leasanan.

Chan eilear an dùil gum bi e comasach dhuibh mòran a ràdhainn aig deireadh a’ chùrsa, agus ’s e am prìomh-amas beachd farsaing a thoirt dhuibh air a’ chànan agus mar a dh’obraicheas e. Ionnsaichidh sinn gràmar is facail bunaiteach gus seantansan sìmplidh a thogail. Seo na bhios romhainn a thaobh cànain:

• Leasan #1: Aibidil agus fuaimneachadh na Breatnaise
• Leasan #2: Beannachdan agus cur-an-aithne leis a’ chopail eo
• Leasan #3: Ainmearan agus an t-alt
• Leasan #4: Diùltadh agus an copail zo
• Leasan #5: Ema & modh leantainneach
• Leasan #6: Kaout & tràth caithte
• Leasan #7: An gnìomhair ober

A thuilleadh air sin, ionnsaichidh sinn beagan mu dhualchas nam Breatnach is sinn a’ bruidhinn air na cuspairean a leanas:

• Eachdraidh ghoirid na Breatainne Bige agus na Breatnais
• Litreachas eachdraidheil na Breatnaise
• Beul-aithris
• Ceòl dùthchasach
• Ainmean-àite Breatnach an Albainn
• Creideamh sa Bhreatainn Bhig

Ged nach e ach blasad a bhios ann, tha sinn an dùil gum faigh sibh sealladh farsaing air na cuspairean sin.