Gàidhlig Ìre 3 air Loidhne san Oidhche

Bidh an cùrsa seo freagarrach do luchd-ionnsachaidh aig a bheil tuigse dhen chànan aig ìre eadar-mheadhanach ìosal is comas còmhradh bunaiteach a chumail le bhith a’ cleachdadh structairean sìmplidh cuideachd.  San ìre seo, gheibhear eòlas air an tràth teachdail dhen gnìomhair ‘bith’, structairean ùra a leithid gnàthasach, àithneach, tuairisgeulach, agus ceangalach.  Bidh cothrom ann leudachadh air an eòlas a th’ agaibh air na tràthan is ro-riochdairean. Mar phàirt dhen chùrsa, gheibhear eòlas air gràmar, gheibhear cothroman sgilean labhairt a chleachdadh, is gheibhear cothrom dòighean cànain ùra is briathrachas ùr ionnsachadh.

Lìbhrigear an cùrsa seo thairis air deich seachdainean, gach oidhche Mhàirt eadar 7f agus 8.15f, air Zoom.  Cha bhi ach ochdnar sa chlas.

Gheibh thu barrachd fiosrachaidh mun ìre an seo.

Tuairmse Ìre Cùrsa & Co-ionannachd de Ìre SCQF
An Cùrsa Inntrigidh Earrann 2 (7-8)
SCQF 4-5 SQA Ìre Choitcheann: Àbhaisteach-Creideis