Latha ùrachaidh do Luchd-eadar-mheadhanach – Dùn Èideann

Bidh an latha ùrachaidh seo freagarrach do luchd-ionnsachaidh aig a bheil tuigse air a’ chànan aig ìre eadar-mheadhanach is comas air còmhradh bunaiteach a chumail le bhith a’ cleachdadh structaran sìmplidh cuideachd. ’S e ùrachadh a th’ ann airson dhaoine a th’ air Cùrsa Goirid suas gu Gàidhlig 6 a dhèanamh aig an t-Sabhal Mhòr, no cùrsaichean eile aig an ìre seo, m.e. Seachdain nan Teaghlach no Cùrsaichean air Astar.

An t-seachdain seo, bidh sinn a’ bruidhinn ann an dòigh aotrom air an tuiseal ginideach agus an tràth cumhach. Tha sinn a’ moladh gum bi cuspair agaibh airson còmhradh a dhèanamh.

£25. Chan eil ach corra àite ri fhaighinn air a’ chùrsa, is mar sin dèanaibh cinnteach gun glèidh sibh àite ro làimh.

Bidh an cùrsa seo a’ gabhail àite aig:

Caledonian Language School
7 Torphichen Street (200 m from Haymarket Station)
Edinburgh EH3 8HX.

10m gu 4f