Gàidhlig Ìre 8 – Air-loidhne: 26 an t-Iuchar 2022

Gàidhlig Ìre 8 – Air-loidhne

Bidh an cùrsa seo freagarrach do luchd-ionnsachaidh aig a bheil eòlas làidir air a’ Ghàidhlig, le sàr chomasan conaltraidh ann an sgilean labhairt is sgrìobhaidh. B’ e amasan na h-ìre seo:

• leasachadh a dhèanamh air comas nan oileanach gus an tràth teachdail de ghnìomhairean neo-riaghailteach a’ chleachdadh;
• leasachadh a dhèanamh air comas nan oileanach gus riochdairean pearsanta ann an cruth neo-fhinideach a’ chleachdadh;
• leasachadh a dhèanamh air comas nan oileanach gus structaran ‘nam/nad’ a’ chleachdadh ann an suidheachaidhean co-cheangailte ri dreuchdan;
• briathrachas ùr a’ chleachdadh a chuireas ris na structaran air a bheil eòlas aig an oileanach mar-thà.

Mar phàirt den chùrsa, gheibhear eòlas air gràmar, cothroman sgilean labhairt a chleachdadh is cothrom dòighean ùra cànain is briathrachas ùr ionnsachadh.

Airson làn-fhiosrachaidh fhaighinn mu susbaint a’ chùrsa aig an ìre seo, cliog an seo.

Tuairmse Ìre Cùrsa & Co-ionannachd de Ìre SCQF:
An Cùrsa Adhartais: Modal 2
Cùrsaichean Ceuma Sabhal Mòr Ostaig: Bliadhna 1
SCQF 7 – SQA Àrd-ìre Adhartach: Gàidhlig (Luchd-ionnsachaidh)

Lìbhrigeadh a’ Chùrsa

Lìbhrigear an cùrsa seo thairis air trì làithean (Dimàirt, Diciadain agus Diardaoin), le trì clasaichean ann gach latha:

• Clas 1: 09.30 – 10.45
• Clas 2: 11.15 – 12.30
• Clas 3: 13.30 – 15.00

Thèid na clasaichean a lìbhrigeadh tro Zoom. Far as urrainnear, cha bhi ach ochdnar sa chlas seach 12 mar as àbhaist.