Gàidhlig Ìre 7 – Air an Làraich: 14 an Lùnastal 2023

Gàidhlig Ìre 7 – Air an Làraich

**Tha an cùrsa seo làn a-nis.  Nach faighnich sibh mun liosta-feitheimh.**

Bidh an cùrsa seo freagarrach do luchd-ionnsachaidh aig a bheil deagh eòlas air a’ Ghàidhlig, le sàr chomasan conaltraidh ann an sgilean labhairt is sgrìobhaidh. Tha an ìre seo ag amas air eòlas a chur air:

• an tràth teachdail de ghnìomhairean neo-riaghailteach;
• structaran leis a’ chruth neo-fhinideach cuide ri cuspairean dìreach;
• an roimhear ‘ann’ le buadhairean sealbhach gus structaran ‘nam/nad’ a chruthachadh.

Nithear cuideachd leasachadh air briathrachas ùr a chuireas ris na structaran air a bheil eòlas aig an oileanach mar-thà.

Mar phàirt den chùrsa, gheibhear eòlas air gràmar, cothroman sgilean labhairt a chleachdadh is cothrom dòighean ùra cànain is briathrachas ùr ionnsachadh.

Airson làn-fhiosrachaidh fhaighinn mu susbaint a’ chùrsa aig an ìre seo, cliog an seo.

Tuairmse Ìre Cùrsa & Co-ionannachd de Ìre SCQF:
An Cùrsa Adhartais: Modal 1
Cùrsaichean Ceuma Sabhal Mòr Ostaig: Bliadhna 1
SCQF 6 – SQA Àrd-ìre: Gàidhlig
SCQF 7 – SQA Àrd-ìre Adhartach: Gàidhlig (Luchd-ionnsachaidh)

Clàr-ama an t-seachdain:

Diluain, Dimàirt agus Diardaoin clasaichean bho 9:30m gu 4:30f
Diciadain deiseil tràth 9:30m gu 3f
Dihaoine 10m gu 12:30f