Tuairisgeul pearsanta

’S ann às an Eilean Dubh ò thùs a tha Gwen NicGuaire is i niste ann an Slèite. Rinn i BA (le Urram) Cànan agus Cultar aig Sabhal Mòr Ostaig ann an 2003. Mus tàinig Gwen air ais gu Sabhal Mòr OOstaig a bhith na h-oide air am BA (le Urram) Gàidhlig agus Foghlam, agus mar Stiùiriche Chùrsa PGDE (Slighe Ghàidhlig – bun-sgoil & àrd-sgoil), rinn i PGCE aig Oilthigh Shrath Chluaidh, agus an uair sin bha i ag obair ann am bun-sgoiltean air feadh na Gàidhealtachd mar tidsear agus ceannard. ‘S i Gwen air cùl Oideas, pod-chraoladh mu fhoghlam Ghàidhlig, agus tha i cuideachd air a bhith an sàs ann an leasachadh goireasan litearras na bun-sgoile le Lasadh.