Gàidhlig nan Òg le Lisa NicDhòmhnaill – Faoilleach 2023

**Tha an cùrsa seo làn a-nis.  Nach faighnichibh mun liosta-feitheimh.**

Oidhche Dhiciadain, 7:30 gu 9 f, 11/01/23 gu 15/02/23 (6 seachdainean)

A bheil thu nad phàrant, sean-phàrant no neach-cùraim agus ùidh agad sa Ghàidhlig? A bheil thu ag iarraidh na Gàidhlig a chleachdadh aig an taigh? A bheil thu a’ beachdachadh air Foghlam tro Mheadhan na Gàidhlig don chloinn? Am bu toigh leat a h-ionnsachadh ann an àrainneachd chàirdeil is chofhurtail? Ma tha, tha an cùrsa seo freagarrach dhutsa.

Tha an cùrsa seo aig amas air fìor luchd-tòiseachaidh agus daoine aig a bheil beagan Gàidhlig, is e air a theagasg aig uair a tha iomchaidh do bheatha thrang an teaghlaich agus Gàidhlig bhunaiteach ga teagasg a b’ urrainn dhut cleachdadh leis a’ chloinn. Togaidh sinn misneachd agus sgilean tro chòmhradh, òrain agus teagasg freagairteach.

Mu Lisa

’S e màthair a th’ ann an Lisa NicDhòmhnaill aig a bheil dithis chloinne, is i a’ teagasg ann am bun-sgoil, ag obair ann am buidhnean pàrant ‘s pàiste, agus na h-òraidiche aig Sabhal Mòr Ostaig. Bidh i a’ teagasg air a’ Chùrsa Inntrigidh agus cùrsaichean cànain eile, agus tha ùidh mhòr aice anns na dòighean-ionnsachaidh cànain aig cloinn òg.