Skip to content

Fìdhlearachd Air Loidhne le Eòghann MacEunraig

BHO: August 17, 2020
GU: August 19, 2020
COSGAIS: £110
COSGAIS (OILEANAICH): £99
CLÀRAICH AN-DRÀSTA

www.manran.co.uk

 

Eòghainn is cuid dhe na h-oileanach bho 2017

Lìbhrigear an cùrsa seo thairis air trì làithean (Diluain, Dimàirt agus Diciadain), le trì clasaichean air Zoom gach latha aig 09.30 – 10.45, 11.15 – 12.30 and 13.30 – 15.00.  Cha bhi ach ochdnar sa chlas.

Tha Sabhal Mòr Ostaig air leth toilichte an cùrsa goirid seo a thabhann a-rithist am bliadhna leis an sàr neach-ciùil Eòghann MacEunraig.

Air a’ chùrsa seo, bidh Eòghann a’ toirt thugaibh blasad den nòs-ciùil dhùthchasach Ghàidhealach aige fhèin, gu h-àraid a’ bhuaidh a th’ aig òrain Ghàidhlig agus ceòl na pìoba air a chuid fìdhlearachd. Bidh cothrom ann seana phuirt agus puirt ùra ionnsachadh agus bidh sibh cuideachd a’ toirt sùil mhionaideach air mar a chluichear ceòl na pìoba (ceòl beag gu h-àraidh ach ceòl mòr cuideachd) air an fhidhill. Mar bu dual dhan cheòl, thèid a’ chuid mhòr de na puirt is fiosrachadh ga toirt seachad tro bheul-aithris agus cluas-chiùil anns na clasaichean ach bidh duilleagan-ciùil rim faotainn cuideachd.  Feumar comas cluich aig ìre mheadhanach a bhi aig an neach-cluiche mus faigh iad air a’ chùrsa.

Chan eil beàrnan ann ach airson 8 neach – glèidh àite an dràsta gus am faigh sibh air a’ chùrsa!

‘S ann à Loch Abar a tha an neach-ciùil agus seinneadair Eòghann MacEunraig agus chaidh a bhogadh ann an ceòl agus dualchas na sgìre bho òige. Fhuair e oideachadh air an fhìdheall bho Aonghas Grannd, fear de na fìdhlearan Gàidhealach as cliùitiche a bh’ ann a-riamh agus oideachadh air a’ phìob mhòir bho iomadh pìobaire ainmeil, Aonghas MacColla nam measg. Bha e deagh ghreis a’ cluich air feadh an t-saoghail na bhall den còmhlan ainmeil Battlefield Band agus an Afro-Celt Sound-System. Ach ‘s ann cuide ri Mànran (an còmhlan a stèidhich e fhèin ‘s grunn charaidean ann an 2010) a bhios e  cur seachad a’ mhòr-chuid den ùine a-nis.

Airson tuilleadh fiosrachaidh mu Eòghann agus a cheòl brùth an seo –  www.ewen-henderson.com

/*
*/