Òrain Gàidhlig agus Albais le Katherine NicLeòid

Bidh Katherine NicLeòid còmhla rinn a’ teagasg cùrsa sònraichte, Òrain Thraidiseanta Gàidhlig agus Albais. Bidh thu a’ coimhead air òrain às iomadh ceàrnaidh de dh’Alba tron deireadh-sheachdain. Bidh na h-òrain a’ toirt sùil air diofar thaobhan den fhearann agus den dualchas. Ged a tha an dùthaich againn beag, tha measgachadh mòr ri fhaicinn nar cànan, nar ceòl agus nar cultar. Air a’ chùrsa seo, bidh thu ag obair air co-sheirm agus seatadh nan òran. Chan fheum eòlas sam bith a bhith agad airson a’ chùrsa seo – thoir leat do ghuth agus gheibh thu lethbhreac dhen stuth teagaisg. Faodaidh tu, nam biodh e feumail, na h-òrain a chlàradh air fòn-làimh air no air inneal-clàraidh.

’S ann a Cille Bhrìghde an Ear a tha Katherine NicLeòid, is i aithnichte mar shàr cheòladair agus neach-oide, air an duiseil, an fhìdeig agus a’ seinn. Tha i air a bhith an sàs ann an ceòl bho aois glè òg. Thòisich i le bhith a’ seinn ann an Còisir Chille Bhrìghde an Ear nuair nach robh i ach naoi bliadhna a dh’aois. Cheumnaich i bho Chonservatoire Rìoghail na h-Alba ann an 2010 le BA ann Ceòl Traidiseanta agus tha i air a bhith a’ cluich fad is farsaing bhon uair sin. Tha i dealasach mu theagasg agus mu bhith a’ sgaoileadh a cuid òran agus tha i a’ dèanamh fiughair ri bhith tighinn gu Sabhal Mòr Ostaig am-bliadhna.