Sabhal Mòr Ostaig
Ionad Nàiseanta Cànan is Cultar na Gàidhlig
Stèidhichte ann an Slèite anns an Eilean Sgitheanach, ’s e Sabhal Mòr Ostaig an aon ionad Foghlam Àrd-ìre is Leantainneach anns an t-saoghal a tha a’ lìbhrigeadh a chuid phrògraman ionnsachaidh tro mheadhan na Gàidhlig a-mhàin ann an àrainn bhogaidh bheairteach.
Bidh daoine a’ tighinn thugainn às iomadh ceàrnaidh den t-saoghal airson eòlas is ionnsachadh air leth tron Ghàidhlig, eadar cùrsaichean do luchd-ionnsachaidh na Gàidhlig agus rannsachadh PhD, an dà chuid air làrach na Colaiste agus air astar. Tha cothrom ann don a h-uile duine air an àrainn againn leis na cùrsaichean is oidean barraichte. Dè an còrr a dh’iarradh tu? Thig a chèilidh oirnn ann an Slèite far an cur thu fhèin eòlas oirnn!
Gàidhlig... Càit an tòisich mi?
A bheil thu ùr chun na Gàidhlig, air neo a bheil beagan agad mar-thà? Brùth an tiotal gu h-àrd gus faicinn dè na cùrsaichean a th’ againn do luchd-ionnsachaidh!
Dè tha Dol?
Tha an t-uabhas a’ dol aig an t-Sabhal tron bhliadhna, eadar òraidean, seiminearan rannsachaidh, cùrsaichean goirid, clasaichean coimhearsnachd, cuirmean-ciùil is làithean fosgailte. Cùm sùil an seo airson fiosrachadh mu thachartasan san àm ri teachd.
Gheibhear am barrachd fios mu na Clasaichean Coimhearsnachd againn an seo is cuideachd faodar cumail suas ri na naidheachdan as ùire bhon t-Sabhal le bhith a’ brùthadh an seo.